ضل راجل ولا ضل حيطه
السلام عليكم ورحمه الله وبركاته
جوزي سافر الكويت من حوالي سنتين وانا كنت معتبراه كل حاجه ليا لحد معرفت انه قبل مايسافر اتجوز غيري وهي اللي قالتلي بعتتلي علي رقمي متفكريش الخير والعز ده ليكي لوحدك اهو لما مسك جنيه خدني انا وعلفكره ناوي يسيبك المهم هو قبل مايسافر قالي انتي الوحيده اللي بثق فيكي هبعتلك فلوس حوشيها معاكي فضل يبعت لحد مره من المرات نزل مصر قولت اقوله واواجهه لقيته هو اللي قالي عبير قالتلك وانا مسكتلهاش عموما ده حلال ليا ربي عيالك واياكي تفتحي بوقىك بكلمه والا هخليها هي وأنتي همشيكي حسيت الدنيا كلها وقفت ف وشي لحد ما نويت اعيش وخلاص المهم سافر وبقي يبعتلي انا عمري في حياتي ماخدت منه جنيه ولا طىمعت في حاجه بس اخدت مبلغ ٧٠٠ الف الفلوس كلها اللي بعتها وجيبت شقه وكتبتها ب اسمي بعتلي بعدها تاني فلوس خدتهم ووضبتها بعد سنه سالني الفلوس فين قولتله اشتريت شقه ليا وعيالي قالي هطلقك لو منقلتيش ليا ملكيتها ورفضت ولحد دلوقتي بيعاملني معامله مش حلوة وقالي مش هطلقىك الا بالشقة دي قصاد دي قولتله مش عاوزه اسيبك اهو ضلك ولا ضل حيطه
انا صح ولا انا غلط
