الحلقه الخامسه ديفشا

انسخوا 
ديڤشا
الحلقة الخامسة
كارم هقولك ليه ... والدك كتب وصيته وخلى كل املاكه للجمعيات الخيرية .. أراضيه .. عربياته .. الفيلا .. الرصيد في البنك .. بمعنى اصح كل شيء .. يعني والدك لو جراله حاجة انت هتبقى في الشارع ما تملكش غير اللي في جيبك ...
شهد وراهم وسمعت اخر جمة وامير الصدمة لجمته تماما وكارم واقف قدامه ....

كارم كمل بدون ما ياخد باله من شهد او ياخد باله من اللي بيعمله في أمير يعني انت لازم تصلح موقفك معاه وتخليه يغير وصيته والا ....
شهد اتدخلت أستاذ كارم .
الاتنين بصولها وهيا باصة لامير اللي تايه
كارم بصلها افندم .
شهد اتحمحمت عمو عدلي كان عايز حضرتك .
كارم هز دماغه طالعله .. المهم يا امير ظبط امورك .
سابهم وطلع وهيا المفروض تمشي وراه بس وقفت قصاد امير اللي واقف تايه وحست انها المفروض تقول حاجة بس مش عارفة وقالت اول حاجة خطرت على بالها ما تزعلش من والدك هو ...
قاطعها پغضب انا مش محتاج حد يدافع عنه قدامي ..
الدموع لمعت في عنيه وبيحاول يمعنها وحس بغصة منعاه من الكلام بس كمل أصلا ده المتوقع منه .. ده شيء مش مستغربه .. ده المتوقع .. اعتقد ان انتي كبيرة كفاية وبما انك نزلتي لحد هنا فتقدري تاخديلهم فطار انا ماشي .
شهد جريت وراه استنى اقف رايح فين 
امير بزهق وانتي مالك بيا .. انتي مالك
رجعلها وبصلها بتحدي وغيظ اوعي تتخيلي للحظة ان التخاريف اللي ابويا بيقولها هتم فاهمة انا لايمكن اتجوز واحدة زيك انتي وانا سككنا مش واحدة وطرقنا مختلفة فبلاش الاهتمام ده ما منوش فايدة بعد اذنك 
شهد اتكلمت فوقف يسمعها انا مش بهتم بيك ولا بعمل كده علشان التفكير العقيم اللي في دماغك انا بس مش عيزاك تتخلى عن باباك في ظروف زي دي وتبعد عنه دلوقتي .. باباك كان ممكن يروح منك امبارح افتكر حالتك كانت ايه !! خليك جنبه ..الفلوس مش كل حاجة .
امير ضحك بۏجع بيحاول يداريه البركة فيكم انتي وباباكي واخوكي قايمين بالواجب وزيادة .. بعد اذنك .
سابها ومشي وهيا طلعت فوق
كارم دخل عند عدلي
عدلي بلهفة قابلت امير شوفت شهد 
كارم استغرب وهزر ايه المقابلة دي ايوه يا سيدي قابلت امير وايوه شفت شهد .
عدلي اتنهد الحمد لله انها لحقتك .. كنت خاېف تقول لامير حاجة !!
كارم كشړ وبتردد أقوله حاجة انا قولتله زي ما اتفقنا وبلغته انك عملت وصيتك وهتتبرع بكل املاكك زي ما اتفقنا بالظبط .
عدلي اټصدم وبص لمحسن وشهد دخلت والكل بصلها
شهد هزت دماغها بأسف انا اسفة يا عمو بس لما وصلت كان خلاص قاله .
عدلي بحزن يا بنتي ده مش غلطك .. المهم امير قال ايه يا كارم 
كارم اټصدم طبعا بس ما اتكلمش .
شهد تدخلت بس بعد ما انت مشيت يا عمو قال حاجة غريبة .
عدلي بلهفة قال ايه 
شهد بتكشيرة قال ان ده المتوقع منك وانه مش مستغرب تصرفك ده .
عدلي زعل جدا الظاهر اني زودتها قوي معاه .
محسن اتدخل يخفف الوضع والتوتر خلاص قوله انك غيرتها وقوله انك بتحبه وخده في حضنك هو بيحبك .
شهد بتشجيع فعلا يا عمي هو بيحبك انت ما تتخيلش كان خاېف عليك قد ايه 
عدلي بصلهم بأمل هو راح فين 
شهد بأسف مشي .
عدلي فضل النهار كله يستنى ابنه بس ما رجعش تاني وامير راح