اغلي من العالم
انسخوا
واحد بيحكي
أنا كنت متجوز واحده تراب رجليها اغلي عندي م العالم واللي فيه.
بص خليني اقولك البدايه
أنا اتجوزتها وهيا عندها ٢٦ سنه بنوته جميله كل الناس بتشهد باخلاقها وجمالها ورغم ان ف ناس كانت افضل مني ف كل المستويات بتتقدم ليها الا ربنا وفق بينا ودي أعظم نعمه ربنا من عليا بيها.
أنا كنت موظف ف قطاع خاص والحال ع القد وكنت باجي انكشها بقولها سيبتي العز ف بيت ابوكي وجايا للفقر هنا كانت تقولي لقمه بملح معاك فيها حب اجمل بكتير م اي حاجه ف الدنيا.
اول سنه اتجوزتها كان منصوب عليا ف مبلغ ٢٥٠ الف جنيه كانوا م قيراط بايعه وهو اللي كان حيلتي ووالله قبل ولادتها بيومين كانت بتقولي البيبي ده هيبقى وشه حلو وفعلا كان هو ومامته وشهم حلو عليا، بعد محاضر وقواضي بيني وبين اللي كان ناصب عليا اكتر م ٣ سنين ولاده رجعولي الفلوس لما تعب وكان بېموت.
ولدتها ف مستشفى خاص بدل العام وبعد شهرين قالتلي الفلوس دي يتفتح بيها مشروع وفضلت تقترح عليا مشاريع كتير.
فتحنا محلات ملابس وشنط واحذيه وسوبر ماركت صغير كده وكل واحد بيدير محل فيهم.
كانت بتحافظ ع الجنيه اكتر مني وبصراحه لاني نزيه زياده ع اللزوم وكنت ماشي بمبدأ احييني النهارده وموتني بكره ف كنت بصرف ولذالك مسكتها هيا المصاريف بطلب منها عشان نحافظ ع القرش ولو احتجت حاجه باخدها منها زي الابن لما بياخد من أمه.
١٣ سنه تجاره وشغل وكنت عارف اني هوصل لمكانه ذو قيمه ف المجتمع بسببها وده ايقنته لما اول سنه جواز حقي رجعلي وعرفت ان وشها هيبقى فاتحه خير عليا وخصوصا لما لقتها طموحه وقررت اني اسيب الوظيفه ونفتح مشروع.
بعد ١٣ سنه تجاره ف الملابس بقا عندنا مصنع غزل ونسيج ومصنع تفصيل وبقا عندنا برند مشهور وكل ده بفضلها ف خلال ٣ سنين.
بعد ١٩سنه م تاريخ جوازنا بقا عندها ٤٥ وانا ٤٨ بقا عندنا بدل العماره اتنين والمصنع اتنين وشركه خاصه بانتاجنا ومشغلين معانا اكتر م ٤٥٠ عامل وموظف.
كتبتلها نص املاكي ولما جيت اقولها مسكت الورق قطىعته وقالت انت أكرمتني بمعاملتك ليا طول السنين دي كلها وده بالنسبالي أعظم م اي أملاك وفلوس، لما قولتلها كل ده وصلنا له بفضلك انتي تقولي لا احنا وصلنا سوا بفضل ربنا وم تجارتنا ف الخير معاه.
كانت فاتحه البيت عندي لأي حد محتاج مساعده وكانت محبوبه بين الناس اكتر مني ولو مشينا ع رجلينا مره ف الشارع الاقي الناس تقف وتعمل تكدس ف الشارع عشان يسلموا عليها واللي محتاج حاجه يقولها.
تعبت شويه وسافرت بيها اعالجها بره ورجعنا وهيا كويسه وف يوم الخميس بالليل اللي يعتبر صابح الجمعه الساعه ٢ ونص و٣ دقايق بتصلي القيام وبتدعي ربنا وتقوله أكرمه ف الدنيا والاخره زي ما اكرمني ورعاني فيك وانا سامع صوت عياطها وبكيت انا كمان ولما غابت ف السجود ومسمعتش ليها صوت بحركها لقيتها مبتتحركش وعرفت انها ماټت، ماټت وهيا بتدعيلي، ماټت وسابتني لوحدي، ماټت وانا م غيرها ولا حاجه، طب ماټت وسابتني لمين؟
عملت جمعيه خيريه باسمها وكل عمل بيطلع منها صدقه ع روحها وكل يوم بروح ازورها..
عايش م غيرها بقالي ٥ سنين كل يوم بحلم بيها، بحلم بيها وهيا بتقولي مستنياك ف الجنه انتي هتجيلي هنا وهنكمل سوا هنا متزعلش.
أنا روحي راحت معاها يوم ما فارقتني، الناس بقت بتبصلي وبتشفق عليا م الحاله النفسيه اللي وصلت ليها بعد ۏفاتها لاني مبقتش عارف اعيش م غيرها.
"حياتي بدأت بيوم خطوبتي منها وانتهت يوم ما فارقت الحياه وسابتني "
ـ•┈┈┈••✦✿✦••┈┈┈•ـ
إذا أتممت القراءة صلي على םבםב رسول ٱɑɺɺ ﷺ"
┈┅•٭❤️❤️٭•┅
