ابليس والضائعه [ الجزء الرابع [
انت في الصفحة 1 من 3 صفحات
انسخوا
الجزء الرابع
ابليس والضائعه
الحلقة 4
فى جنازة ولاء... الاب واقف ع الډفن مش بيتكلم وحواليه ناس مشيعين
عواطف وهيام واقفين بيعيطوا
الشيخ بيدعوا لولاء بعد الډفن
كل الموجودين بيأمنوا وراه...ماعدا ناصر...ساكت
وقبل ما يخلص الشيخ الدعاء... مشى ناصر وراح قعد فى عربية واحد من الجيران
بعد ما خلص الدعاء... وقفوا زمايل ناصر وجيرانه يدوروا عليه
فين ناصر علشان نعزيه
وارتبكت عواطف وهى بتدور حواليها على ناصر
مش عارفة
مفتش المباحث فى المكتب... بيفكر وشكوكه بين ناصر وعادل
وخبط الباب...ودخل المساعد
تقرير الطبيب الشرعى جه ياباشا...وفيه مفاجأة
اخد مفتش المباحث التقرير بسرعة...قعد يقرا
معقول
مش قلتلك مفاجأة
وانا اللى عمال افكر وشكوكى بين ابوها وجوزها ف الاخر تطلع الۏفاة بسبب تسرب غاز السخان
يعنى لولا تسرب الغاز بالصدفة مكنتش خيانتهم ظهرت وكانت بترتب انها تجوزه اختها علشان يبقوا قريبين من بعض
ربنا كبير واهو اتقلب السحر ع الساحر واتفضحوا
فى بيت ناصر
الستات قاعدة فى العزا
هيام وعواطف قاعدين ...وصوت القران شغال
ناصر قاعد فى اوضته والباب موارب
بيفتح جورنال جابه وهو راجع من الچنازة
زوج ېقتل زوجته وعشيقها فى منزل العشيق
وصورة لعادل واضحة وصور لولاء ومدحت وعليهم شريط اسود على العين
شاف ناصر الخبر... ومن غير ما يقرا التفاصيل
قعد يعيط زى الاطفال بصوت عالى ورمى الجورنال من ايده
عواطف قاعدة...لمحته..وسمعت صوت عياطه
دخلت له وقفلت عليهم
ايه يا ناصر... صوتك طالع بره... مش كفاية مش راضى تقعد ف عزا الرجالة
جرايد ايه
مردش عليها وهو بيعيط
اخدت الجورنال... بصت وشافت الصور...سابته تانى بسرعة
مش انت قلت مش عايز حد يحس بحاجة... قعدتك دى تبين للناس ان فيه حاجة مش طبيعية
مش قادر اقعد ف عزاها... مش مسامحها لحد ما اموت
والناس اللى بتسأل عليك اقولهم ايه
قوليلهم تعبان
خرجت عواطف من الاوضة...وطلعت تقعد فى العزا
عواطف قاعدة ... واتنين ستات قاعدين فى جنب
شفتى ياختى الراجل مظهرش ف عزا بنته ازاى
مصډوم ياعينى...البت ف عز شبابها وماټت وسابت عيل صغير حاجة تقطع القلب
تقطع قلب ايه...ليه انتى متعرفيش اللى حصل
هو ايه اللى حصل
مش ولاء كانت بتخون جوزها مع واحد وجوزها لما عرف قټلهم الاتنين
لا يا شيخة متقوليش كده
اعوذ بالله... ايه ده...تستاهل الحړق يا شيخة
ولا كان يبان عليها ياختى.... انا مصدقتش غير لما شفت صورتها وعرفتها
ربنا يستر على ولايانا...علشان كده ابوها قافل على نفسه
ده انا مكنتش جاية العزا لما عرفت موتتها المقرفة دى
احنا بنعمل الواجب علشان جيراننا وخلاص
وشوفى امها...عاملة ولا كأنها تعرف حاجة
اومال هتقول للناس
تلاقى اختها اتطلقت علشان كده برضه...ماهو العرق دساس
مالناش دعوة ربنا يسهلهم
هيام قاعدة وملاحظة ان الناس بتتوشوش وتتكلم ويبصوا لها
وبعد ما
