الحلقه الثالثه ديفشا

فين بابا واقفين كلكم كده ليه ما تنطق بابا جراله ايه 
شهد كانت بصاله والمرة دي هيا اللي بتبصله من فوق لتحت عايزة تشوف البني ادم اللي هاجر ابوه علشان الفلوس .. نظراتها كانت مليانة احتقار وكره وغيظ شديد منه
واتقابلت عنيهم هما الاتنين في نظرة هو مفهمهاش ومستغرب ليه الكره اللي حسه منها ده ايه معناه 
د امين بهدوء ما تقلقش يا امير هو ان شاء الله هيبقى كويس .
امير بلهفة هو ماله في ايه 
د امين جاتله ازمة قلبية وكان الصبح فاق بس عدم تواجدك معاه وقلقه وخوفه عليك خلى حالته تتأخر تاني واضطريت اديله مهدئ .
امير برجاء طيب انا عايز اشوفه .
د امين مش هيحس بيك علشان المهدئ .
امير باصرار برضه عايز اشوفه .
دخل امير لابوه وفضل واقف جامد وخوف كتير ماليه انه يخسر الانسان الوحيد اللي فاضله في حياته .. هو اه پيتخانق كتير معاه بس ده مش معناه انه بيكرهه ابدا .. هو بيحبه جدا .. ايوه متغاظ منه ويمكن يكون بيكرهه بس عايزه معاه في الدنيا دي .. وطي عليه وباس ايده ودمعة نزلت ڠصبا عنه ومن بعيد شهد متابعه ومستغربة ده مش تصرفات حد بيتمنى المۏت لحد ..
ايه الحكاية بينهم وايه سر العداء بينهم وليه الاب بيطلب ان امير يسامحه ويسامحه على ايه وليه امير لما بيحب باباه بالشكل ده پيتخانق معاه وبيجننه
اسئله كتيرة جواها نفسها تعرف اجابتها .. فاقت من تخيلاتها على صوت باباها
محسن شدها لبره شهد يا حبيبتي مش تروحي انتي بقى .
شهد بتحاول تقنعه لا يا بابا خلينا لحد ما عمو يفوق ونطمن عليه وبعدها نمشي .
محسن برفض روحي انتي وانا هستنى .
شهد بترجي لا معلش خليني انا كمان .
امير طلع هو كمان وقعد على اقرب كرسي بره الاوضة وطارق وقف معاه بيحاول يطمنه
د امين راح لمرضاه وكارم راح المكتب وطارق مشي راح مشوار وفضل امير قاعد لوحده حاطط راسه بين ايديه وباصص للأرض
محسن راح يصلي المغرب وساب شهد اللي واقفة متابعة بصمت وللحظة حست بمدى وحدة امير وألمه .. حست انها من جواها حاسه بوجعه واتمنت لو تروح وتخفف عنه وفعلا راحتله بس اتفاجئت باللي قالته
شهد بتريقة اللي يشوفك كده يفتكر انك بتحبه او پتخاف عليه بجد 
امير رفع دماغه واتفاجئ بيها أصلا فوقه كده فضل باصصلها كتير وكأنه مش فاهمها
امير بدفاع انا اكيد بحب ابويا .
شهد باتهام وعلشان كده جبتله الأزمة ورميته هنا وما سألتش فيه 
امير بنرفزة انا معرفش انه هنا !! معرفش وبعدين انا ايه علاقتي بازمته هاه 
شهد بخنقة منه اه صح مش انت اللي قلتله انه ېموت وتورثه مشفتهاش ولا هشوفها ان حد يتمنى لابوه المۏت علشان يورثه .. اه شوفتها في التلفزيون او سمعت عنها بس ما تخيلتش اني ممكن اشوف ده على الحقيقة كنت متخيلاها دراما تليفزيون طلعت حقيقة .
امير بصوت عالي انتي مش فاهمة حاجة فاسكتي .. اسكتي .
شهد بأسف وۏجع حقيقي ابوك النهار كله عنيه متعلقة بالباب مستنيك تدخل وانت الله اعلم فين 
امير بيحاول يبرر قلتلك مكنتش اعرف .. مكنتش اعرف .
شهد حاولت تكون هادية بس معرفتش ازاي قدرت تقوله كده !! ازاي تنطق كلمة زي دي 
امير بتوهان لذكرى الكلمة مكنش قصدي هيا طلعت كده .
شهد بنفس الحدة طلعت ڠصبا عنك .. اللي جواك طلع في لحظة ڠضب .
امير