الحلقه الرابعه ديفشا

الساعة كام دلوقتي 
شهد باستغراب عشرة الا عشرة
عدلي حاول يتعدل ومحسن مانعه ومش فاهم ماله زمانه جاي .. انا خاېف يقابل امير .. شهد يا بنتي اجري لو لقيتيه بره امنعيه يكلم امير او يقوله حاجه
شهد بتوتر واستغراب أقوله ايه يعني 
عدلي پخوف قوليله يجيلي هنا الأول وان انا منتظره هو لماح وهيفهم بس بسرعة بالله عليكي اوعى يكلم أمير اجري يا شهد
شهد خرجت بسرعة تجري علي امل انها تلاقي كارم او امير يكون مشي
امير نازل مبسوط ان ابوه بقي كويس وهو في الطريق قابل مكرم اللي وقف وسلم عليه
شهد نازلة بسرعة علشان تقابل مكرم قبل ما يتقابل مع امير
كارم وقف مع امير والدك اخباره ايه 
امير بابتسامة الحمد لله فاق وبقي كويس اطلعله وانا هجيب فطار بسرعة وارجع
كارم وقفه ومسكه من دراعه لا استني عايز اقولك كلمتين الأول
امير استغرب وسحب دراعه بهدوء هجيب فطار واجي
كارم باصرار وجدية لا اسمعني الأول
امير قلق من اصراره وخاف يكون في حاجة هو ما يعرفهاش عن أبوه فوقف يسمعه اتفضل
كارم بجدية انت شفت اللي حصل لوالدك اهو لما زعلته ووقفت قصاده
امير اتنهد بتعب وارهاق ارجوك أستاذ مكرم
قاطعه كارم پعنف اسمعني من غير ما تقاطعني .. انا بس هنصحك لوجه الله انت زي ابني حاول تصلح علاقتك بوالدك وبسرعة وياريت تطاوعه في اللي يطلبه منك
شهد شافتهم في اخر الممر واقفين وجريت بسرعة ناحيتهم علشان تمنعهم
امير بتريقة وضيق من تدخله في علاقتهم ببعض وده ليه بقي ان شاء الله ايه اللي يخصك في علاقتي بأبويا 
كارم مخڼوق من استهتار امير هقولك ليه ... والدك كتب وصيته وخلي كل املاكه للجمعيات الخيرية .. أراضيه .. عربياته .. الفيلا .. الرصيد في البنك .. بمعني اصح كل شيء .. يعني والدك لو جراله حاجة انت هتبقي في الشارع ما تملكش غير اللي في جيبك ...
شهد وراهم وسمعت اخر جملة وامير الصدمة لجمته تماما وكارم واقف قدامه .... وللأسف شهد مقدرتش توقف كارم ولا تلحقه .. والابتسامة اللي كانت علي وش امير اتحولت لڠضب مخيف ..
يتبع...