الحلقه الثانيه عشر ديفشا

انسخوا 
ديڤشا
الحلقه ١٢
امير مستنيه يعلن خبر شغله من ورانا في شركة ابويا .. طارق بيشتغل عند ابويا عند عدلي باشا 
كلهم بصوا لطارق باستغراب واستنكار وكأنه ارتكب خطيئة كبرى !!!
طارق بصلهم كلهم مركزين عليه وكأنه متهم مثلا فوقف بتبصولي كده ليه اه اشتغلت حد عنده مانع بعد اذنكم هجيب حاجة اشربها .
سابهم وقام وامير قام وراه ووقفوا قصاد بعض

طارق بصله بتحدي نعم يا امير 
امير نظرات العتاب لصاحبه غلبت الزعل مقولتليش ليه 
طارق بغل حاول ميبينهوش واحدة بواحدة .
امير ببلاهة يعني ايه 
طارق مكنش عامل حساب اللحظة دي بسرعة كدا بس ذكائه اسعفه يعني كنت عايز اضايقك وعلشان كده خبيت عليك .
امير مستغرب تضايقني طب ليه هي بقت كده 
طارق بتريقة اه بقت كده .. شيء يضايق صح لما نبقى أصحاب من سنين وكل عيشتنا مع بعض ونسهر مع بعض وتكتشف ان صاحبك الانتيم مخبي عنك سر مهم جدا وما استأمنكش عليه .. شيء يضايق صح 
امير لسه مش فاهم انت بتتكلم عن ايه 
طارق بصله كتير عن الجيم يا امير .. سنة وانت بتشتغل ومخبي .. زعلان مني اني خبيت عنك يوم واحد !!
امير متفاجئ مش متخيل افكار صاحبه ودته لفين دي تختلف عن دي .
طارق دي هيا دي بالظبط .
امير مخڼوق وبص لاصحابه اللي مركزين معاه هو وطارق رجع بصله ووطى صوته لا طبعا .. انا مرحتش اشتغلت عند ابوك ومراتك .. انا مرحتش أوضح قدامهم ان انا بشتغل وجاد واخليهم يقارنوني بيك ويقولولك اعمل زي صاحبك .. انا اه خبيت بس عن الكل .
طارق بص لبعيد وهرب من مواجهة صاحبه وانا مكنش قصدي ده ....
امير بنرفزة امال ايه تقصد ايه بشغلك عند ابويا بالذات اشمعنى ابويا ما اشتغلتش عند ابوك ليه 
طارق بصله وانت ما اشتغلتش عند ابوك ليه امير انت بتسأل أسئلة انت أصلا عارف اجابتها .
امير كشړ ماشي بس برضه ليه ابويا ما تشتغل في أي شركة تانية وليه الشغل في التوقيت ده 
طارق دور وشه ونفخ ورجع بص لامير واجهه انا هريحك يا امير مع اني مكنتش ناوي بس هعمل بأصلي معاك .. ليه ابوك لان ابوك الوحيد اللي هيقبل يشغلني من غير أي اسئلة .. هيشغلني لمجرد اني صاحبك لكن غيره هيطلب شهادات خبرة و و و وانت عارف انا ماعنديش أي خبرة وبصراحة مش هروح اشتغل في أي مكان فهنا انا استغليت صحوبيتي بيك... اما بقى ليه دلوقتي فده لاني غيرت منك .. امير برق عينيه وبصله پصدمة ما تبصليش اه غيرت منك .. بتشتغل وعندك جيم ولو فعلا ابوك مغيرش الوصية مش هيفرق معاك فحبيت اعمل زيك .. حبيت اشتغل ويكون ليا دخلي .. ايه الچريمة اللي ارتكبتها 
امير هز دماغه انا مش ضد شغلك .
طارق رفع حاجبه بتأكيد لوجهة نظره ضد تخبيتي عنك وده حبيت اوريك انك لما بتخبي عن حد قريب بيضايق .
امير سكت ماشي يا طارق هقبلها منك .
طارق عنده فضول كبير يعرف ليه وافق على شهد طالما مش مضطر بس سؤال بقى ليه اتجوزت شهد انت مش مجبر وانت مش هتفرق معاك الوصية فليه 
امير كشړ وۏلع سېجارة وبص لبعيد اسبابي ما اتغيرتش .
طارق برفض لمنطقه لا اتغيرت انت مش محتاج لفلوس ابوك .
امير بصله وحب يقفل الحوار ده كله اه مش محتاجلها بس عايز ابويا يغير