الحلقه الخامسة عشر ديفشا

فكرة انتي اتغيرتي كتير .
علا بزعل كلنا بنتغير .
شهد بتحاول تشجعها المهم يكون التغير للاحسن .. امير وباقي اصحابك هناك اهم .
علا بصت ناحيتهم شيفاهم .
شهد كشرت مش فاهمة فتورها ده ليه ! وليه مش مهتمة كده بأصحابها ! وحاولت تفهم اكتر معنى كده ان مش هما اللي عينك بتدور عليه !
علا سكتت شوية وقررت تكون صريحة لا مش هما ! هو فين مجاش 
شهد ابتسمت وحست انها زي امير ضايعة ومحتاجة ايد تتمدلها بيركن العربية وجاي الدنيا زحمة ممكن يكون مش لاقي ركنة ..
علا ابتسمت وعنيها نورت وشهد اتاكدت انها فعلا بتحب اخوها بجد
محسن كان جاي ناحيتهم ف علا انسحبت بسرعة وراحت لاصحابها
عمرو اول ما شافها مختفية ليه وشكلك غريب ليه 
علا بلامبالاة عادي المهم اخباركم ايه 
بتتكلم وعنيها متعلقة بالمدخل .. وامير لاحظ ده وسكت لان هو كمان عنيه متعلقة بشهد ..
عمرو حاول يلفت انتباهها لاي شيء بس هيا مشتتة تماما ..
شاكر اخيرا لقي ركنة ونزل ورايح للحفلة وهو رايح لمح حد واقف ساند على عربية بتعب
شاكر قرب منه بحذر حضرتك كويس 
عبدالرحمن بصوت ضعيف انا الحمد لله كويس .
شاكر بقلق طب محتاج لمساعدة 
عبد الرحمن لا يا ابني .. متشكر .
شاكر ملاحظ تعبه وارهاقه فقرب منه على فكرة انا مش بعرض بس مساعدتي .. حضرتك شكلك تعبان .. محتاج لايه قولي 
عبدالرحمن بصله كتير بس اوصل لعربيتي واخد العلاج وهبقى كويس .
شاكر مسك دراعه عربيتك فين 
عبدالرحمن استغرب بس شاور على عربيته وسمح لشاكر يساعده لحد ما وصله وفتحله الباب وقعده على الكرسي .. طلعله الدوا بتاعه وبصله وبعدين فتحه وعطاه ..
شاكر بلوم المفروض علاجك يكون في جيبك باستمرار انت عارف ده 
عبدالرحمن ابتسم بضعف عارف ونسيته .. ربنا بعتك ليا ..
شاكر ابتسم الحمد لله فعلا ..
عبد الوحمن بفضول بس انت عرفت منين ان المفروض يكون الدوا معايا باستمرار انت ليك علاقة بالطب 
شاكر ابتسم انا دكتور صيدلي .. المهم حضرتك كنت داخل الحفلة ولا مروح 
عبدالرحمن لا انا داخل بنتي جوه لوحدها ..
شاكر بيطمنه استريح بس شوية يكون العلاج بدأ مفعوله وبعدها ندخل .
عبدالرحمن استغرب من طيبته واستعداده للمساعدة وحاول يشكره ويمشيه طيب ادخل انت انا بقيت كويس .. ما تعطلش نفسك معايا . كفايا ساعدتني لحد ما اخدت علاجي
شاكر اتنهد بتعب دي حفلة اتعطل على ايه فيها ! وبعدين لولا اختي مكنتش جيت اصلا .
عبدالرحمن ابتسم وانا لولا بنتي مكنتش جيت .
شاكر ابتسم شكلنا احنا الاتنين جاين ڠصب .
ضحكوا الاتنين وسكتوا شوية
عبدالرحمن واستغرب احساس الارتياح في الكلام مع شاكر بنتي جاية على امل تشوف حبيبها .. هيا متخيلة اني مش فاهم ! بس انا عارف انها جاية علشانه ..
شاكر ابتسم وهما ليه بعيد عن بعض ما طالما حضرتك عارف ما تقربهم من بعض !
عبدالرحمن اتنهد بۏجع ياريت بايدي اقربهم من بعض .. المشكلة انهم مختلفين تماما ..
شاكر ابتسم بحزن انا كمان اختي جاية علشان تشوف حبيبها .. بس احنا بقى مختلفين عنكم في انهم اصلا متجوزين لكن الظروف بعدتهم عن بعض .. وڠصب عنهم الاتنين اطلقوا .
عبدالرحمن استغرب وفضوله عايز يعرف اكتر ازاي ڠصب عنهم طالما مش عايزين يطلقوا فليه 
شاكر مط شفافه زي ما حضرتك قلت مختلفين ...
وهنا سمعوا صوت من وراهم
علا بلهفة بابا انت كويس .
الاتنين بصوا مرة واحدة للصوت وشاكر اټصدم بقى
علا بنته اللي بيتكلم عنها ..
شاكر بدهشه علا 
علا باستغراب شاكر .. انت بتعمل ايه هنا 
يتبع...