الحلقه العشرون ديفشا
امير وافقت وبالتالي امير خرج من عندها راح لدكتور امين صاحب والده ومدير المستشفى واتفق معاه يساعده وبعدها راح لممدوح والد طارق وقعد معاه
ممدوح بتعالي خير يا امير .. طارق مسافر .
امير بهدوء قعد قصاده وحط رجل على رجل وبصله بهدوء وهو بيولع سيجارته عارف انا جاي لحضرتك ترجعه علشان يصلح غلطه مع دينا .
ممدوح اتفاجىء للحظة انه عارف بس استجمع نفسه بسرعة وابتسم ومين قال كده !
ممدوح اڼفجر في ضحك وامير استناه لحد ما هدي وبصله سوري يا امير بس انت مين ! انت ولا حاجة !!
امير ابتسم وبمنتهى الهدوء وهو مكانه ال ولا حاجة ده هيقدر يرفع على ابنك قضية هتك عرض وهفضل وراها .
ممدوح اتعدل روح العب بعيد يا شاطر .. معندكش دليل وبعدين اللي عمل كده كان جوز امها غير كده معندكش دليل على ابني انه لمس شعرة منها .
ممدوح بتضحك ليه !
امير بصله باستمتاع علشان سيادتك ذكاءك خانك وناسي حاجة مهمة جدا
ممدوح بتريقة ظاهرية لكن جواه قلق بيحاول يداريه نورني .
امير نزل رجله واتعدل بص لعنين ممدوح مباشرة ان في بيبي في النص .
ممدوح باستغراب وعدم فهم بيبي ايه ده سقط مكنش بيبي !
امير استرخى في قعدته سقط !! بيبي ! اي ان كان ! المهم ان في اختراع صغير اسمه DNA هيتعمل وهيثبت ان البيبي او السقط ده يخص ابنك وساعتها شهادة دينا قصاد شهادته وكل ما عليها تقول انه هتك عرضها وان سيادتك هددتها وساعتها هتكسب بسهولة بس حتى لو مكسبتش الكل عرف ان ابنك وانت سفرته وهربته والعيار اللي ما يصيبش يدوش وابقى ارفع راسك وسط شركتك ولا شركاءك ولا في السوق عامة .. بعد اذنك وقف وماشي واه صح قدامك ٢٤ ساعة تكون رجعت طارق هنا والا هرجعه بأمر قضائي .. بعد اذنك .
ممدوح اضطر يرجع طارق وحجزله على اول طيارة مجبر ومڠصوب .. ومن مين عيل زي امير !
عمرو روح بيته من شغله مهدود وتعبان وابوه دخل عليه غير هدومك ويالا معايا .
محمود على بيت عمك .
عمرو اشمعنى يعني
محمود النهارده هتكون قعدة الرجالة .
عمرو مش فاهم قعدة رجالة ايه ! انت بتتكلم عن ايه !
محمود بغيظ من ابنه ولا مبالاته بكل حاجة حواليه وكأنه عايش لوحده مش معاهم في نفس البيت ماهو طبعا انت مش من العيلة دي .. فاطمة جالها عريس ووافقنا عليه والنهارده الرجالة هيجوا ويحددوا معاد كتب الكتاب والفرح وكده فيالا اجهز .
محمود بيشدد عليه اجهز بسرعة ويالا .
عمرو كشړ ممكن تعذرني !
محمود زعق لا مفيهاش اعذار .. اقول لعمك ايه ! عنده ظروف ولا انتو مش قد المقام هو بس بيحضر حفلات في اماكن خمس نجوم لكن حفلات ومناسبات عيلته مش قد مقامه .
عمرو بزهق يووووه يا بابا اذا سمحت .
محمود بټهديد قدامك عشر دقايق .
وبالفعل راح مع ابوه وباقي عيلته وهما طالعين البيت صوت الزغاريط
