الحلقه واحد وعشرون ديفشا

اعرفه منك !! محددوش ليه يا عمرو 
عمرو كشړ من اسئلة اخته وبعد عنها وبيحاول يكمل لبسه ويتجاهلها انتي عبيطة يابت وانا اعرف منين انا مكنتش موجود .
عالية عارفه ان مكنتش موجود بس اللي انت قلته لفاطمة خلاها تفركش كل حاجة .. انت قولتلها ايه بقى ! وليه بعد ما كانت موافقة عملت كده 
عمرو ابتسم وحس بارتياح جواه وبص لاخته انا مقولتلهاش حاجة بعد اذنك .
عاليه وراه انت مبتسم ليه كده ! واد انت اقف هنا وكلمني .
عمرو مبتسم عندي شغل ومش عايز اتأخر سلام .
مشي مبسوط على شغله مش عارف ايه سر سعادته دي ... ماهو طول عمر فاطمة قدام عينه
دينا في بيتها قاعدة بتعيد ترتيب كل حساباتها وتليفونها رن واتفاجئت انه طارق فردت بسرعة طارق انت رجعت امتى 
طارق بتزعيق اعملي بقى عبيطة وبتسألي !! وان مكنتيش مدبراها انتي وامير بيه !! ماشي يادينا .
دينا مصډومة مش عارفة ماله في ايه مالك وبتتكلم كده ليه !
طارق بټهديد في انه مش انا اللي يتلوي دراعه يا دينا مش انا !! وهدفعكم تمن ده غالي قوي ..
دينا بحيرة انا مش فاهمة انت مالك المفروض تشكرني اني مجبتش سيرتك ومقولتش لحد وعملت حساب للعشرة بينا بعكسك انت واللي عملته وشيلت ايدك من كل حاجة وقلت وانا مالي ...
طارق پغضب وهو انا مالي هاه ! واحدة جت سريري هقولها لأ !! فوقي !! خافي على نفسك !! اذا كان انتي ما اهتمتيش بنفسك ههتم انا !! جاية بعدها تقولي الحقني !! لا يا شاطرة ده كان غلطك وكان المفروض تتحمليه لوحدك مش تدبسيني انا فيه .. ده كان غلطك انتي يا دينا مش غلطي .. بس ما تقلقيش انا هخليكم تندموا انتي وسي امير .
قفل السكة في وشها وهيا مش فاهمة ماله فاتصلت بامير تفهم منه
امير بابتسامة ازيك يا دينا عاملة ايه النهارده 
دينا پغضب انت قلت ايه لطارق ولا عملت ايه طارق بيتصل بيا على اخره ومتنرفر جدا 
امير باستغراب وانتي مهتمة بنزفزته ليه ! ما يخبط دماغه في الحيط .
دينا باقتضاب امير فهمني انت عملت ايه بس !
امير بجدية طارق هيتجوزك يا دينا .. برضاه او ڠصب عنه المهم انه هيتجوزك
دينا هزت دماغها برفض وانا اعمل بيه ايه ڠصب 
امير بذهول تعملي بيه ايه انتي بتسأليني يا دينا تقدري تقوليلي لو عرفتي حد وحبيتي تتجوزيه هتبقي تفسريله ازاي انك كنتي حامل قبل كده او انك معدتيش بنت !! ولا انتي للدرجة دي مش فارق معاكي مستقبلك وحياتك يا دينا !!
دينا ضحكت بۏجع انت متخيل اني هحب تاني واتجوز والكلام ده ! يا ابني انا حياتي انتهت .
امير هدى نفسه دلوقتي انتي حاسة بكده لكن بعد سنة او اتنين او حتى عشرة ما تعرفيش بكره فيه ايه !! دلوقتي المهم اننا نحمي سمعتك فاهمة ! وطارق مطرح ما يحط راسه يحط رجليه !! سيبي الموضوع ده عليا انا
دينا بزعل هيزعل منك !
امير پغضب يتفلق .. ده مش مبرر لجبنه وخسته معاكي طول عمرنا اكتر من الاصحاب احنا الخمسة .. طول عمرنا بنحب بعض وبنخاف على بعض مش بنأذي بعض بالشكل ده .. المهم انا مشغول دلوقتي هبقى اكلمك بعدين .. ما تتنزليش عن حقك يا دينا لان التنازل ده ضعف فخليكي قوية ولو ليكي حق مد ايدك وخديه .. سلام