الحلقه الثالثه وعشرون
شاكر پغضب ابنك سخن وتعبان وواخدينه المستشفى وسيادتك موبيلك مقفول فشهد كلمتني .
امير جري ناحية ابنه اللي في ايد شهد ووطى عليه باسه وفعلا كان سخن جدا
امير بصلها طيب كنتي عطيتيله اي خافض لحد ما نروح للدكتور !
شهد بتريقة وڠضب واضح اكيد مش مستنية حضرتك تقترح عليا الاقتراح ده !
امير بصلها وما ردش وعرف ان الموضوع مش هيعدي بخير لان مفيش اي مبرر لتأخيره بالشكل ده ولا قفلة تليفونه ولا توصيل جيهان له دلوقتي
شاكر بغيظ حاضر هسلملك عليها .
سابتهم وركبت عربيتها وكلهم ركبوا عربية شاكر
شاكر پغضب عربيتك فين !
امير معرفش يقولهم ايه ! طيب يقولهم سابها في الجيم ولا عطلت ولا ايه
شهد بتريقة ايه مش فاكر عربيتك فين للدرجة دي شارب
شهد بتريقة تصدق صدقتك !! بس جيجي الصراحة فيها الخير .. ست بتاعت واجب .
امير بصلها انا مش مضطر اكدب عليكي يا شهد ده فعلا اللي حصل .
امير كشړ وفكر ان كل اتهامتها منطقية فبص لبعيد وكمل بحرج جيجي كانت سهرانة معانا وعلشان كده هيا اللي طارق كلمها .
شهد واخيرا الامور بقت منطقية اه قول كده بقى .. كانت سهرانة معاكم ..
قبل ما شهد ترد كان شاكر اتكلم لا وقته ولا مكانه اللي بتعملوه ده .. ياريت تفكروا في الواد اللي تعبان ده !!
الاتنين سكتوا ووصلوا المستشفى وكشفوا عليه والدكتور طلب يحجزه على الاقل يوم لحد ما السخونة تنزل ويطمن عليه .. امير عنيه مركزة على شهد اللي بتحاول تشغل نفسها بابنها وعقله هينفجر من التفكير هل هتسامحه ! هل هتصدق فعلا ان ده اللي حصل ! طيب هو ليه بالغباء ده يروح يسهر معاهم ! المفروض ان سككهم خلاص اختلفت ليه بيروح مع طارق اللي مصر يكمل نفس طريق الضياع اللي مصدق هو وسابه !
النهار نور والتلاتة موجودين
شاكر كشړ لا خليني معاكم .
امير باصرار لا كفاية عليك .. وبعدين السخونة نزلت اهي واهو يحيى نايم وكويس روح ولو احتجت حاجة هكلمك ..
وبعد اقناع روح وسابهم وبعد ما خرج امير بص لشهد اللي سابته ودخلت الحمام وطلعت صلت الفجر وقعدت كتير تدعي وهو واقف منتظرها تخلص .. اخيرا خلصت وقامت رقدت على السرير تنام
امير بتردد شهد
شهد مقدرتش ترد
