الحلقه خمسه وعشرون ديفشا

ماهو مش راضي .
جيجي بتفكير عميق جمع الشلة كلها تاني .
طارق ضحك بهم وبصلها شلة مين دينا وعاملة فيها ست الحجة وعلا كذلك اتجوزت سيدنا الشيخ ومش قادر اقولك بقت عاملة ازاي !! ده حتى عمرو بعد ما اتجوز بنت عمه وهو من البيت للشغل ومن الشغل للبيت .. فين الشلة 
جيجي بصتله قعدة رجالة .. انت وهو وعمرو .. اسهروا مع بعض .
طارق بعدم فهم وحتى لو سهرنا ايه اللي هيخليهم يتخانقوا 
جيجي والخطة اختمرت في دماغها انت كل اللي عليك تخليهم يسكروا والباقي سيبه عليا بس انت خليهم يسكروا .
طارق بتفكير عيد ميلادي الاسبوع ده وانا نادرا ما بحتفل بيه .
جيجي ضحكت يبقى السنة دي تحتفل بيه حفلة مقتصرة على اصحابك فقط .. امير وعمرو وبس .
بدأ طارق يكلم عمرو وامير يجوا يحتفلوا معاه بعيد ميلاده واصر ان الحفلة ليهم هما التلاتة فقط
اتقابلوا في الجيم
طارق واقف قصادهم بقولكو ايه انتو الاتنين تعملوا حسابكم بكره هنسهر مع بعض سهرة رجالية فقط .
الاتنين ردوا في نفس الوقت
عمرو اصل فاطمة عندها .....
امير شهد رايحة عند ......
طارق قاطعهم الاتنين ولا فاطمة ولا شهد .. انتو الاتنين اتجوزتو خلاص فهمنا وكل واحد عنده التزامات ماشي على عيني لكن ده عيد ميلادي وعايز اكون مع ناس بحبهم ويحبوني .. كتير طلبي ده اطلب من اصحابي الانتيم سهرة واحدة يوم عيد ميلادي !! ولا الجواز خلاص بيخلي الرجالة تنسى اصحابها فهموني .
عمرو ابتسم خلاص ما تزعلش نسهر ومالو اهي علقة اااا اقصد ليلة وتعدي .
ضحكوا على هزاره وطارق بص لامير
امير ابتسم ماشي يا سيدي هنسهر معاك بكرة .
عمرو بضحك وربنا يعينا على اللي في البيت .
امير كمان فعلا انت بتقول فيها .
طارق بذمتكم مش مكسوفين وانتو خايفين من مراتتاكم كده !
امير بجدية الحكاية مش خوف يا فصيح الحكاية احترام لمشاعر الانسان اللي انت مشاركو حياتك .
عمرو كمل فعلا انك تقدر مشاعره وتخاف عليها ده مش خوف ده حب .
طارق بتريقة تيرارارارا .. ايه يا عم انتو وهو الشعر ده هو الجواز بيعمل كده طيب ما تجوزوني .
امير بصله ما انت كنت متجوز .
طارق كشړ والنبي ما تفكرني وهي دي كانت جوازة !
عمرو بجدية دينا كانت بتحبك جدا .
امير انت محافظتش عليها .
طارق وقفهم هما الاتنين اولا انا اتجوزتها ڠصب عني .. ثانيا هيا استغلتني والمشكلة انها في الاخر هيا الضحېة وانا الذئب ثالثا انا مقدرتش استمر فظروفي غير ظروفكم تماما .
عمرو بهجوم دينا كانت صاحبتنا واخت لينا وانت الغلط مقسوم ما بينكم اكيد قبل ما تاخدها البيت كنت في وعيك ولا ايه وبعدين ما ادي امير اتجوز واحدة ولا يعرفها ولا تعرفه وقدروا يحبوا بعض على الاقل انت كنت عارف دينا يعني اقل محاولة منك كنت هتكون مبسوط معاها بس انت معطتهاش ولا عطيت لنفسك فرصة .
طارق بذهول انت بتشبه دينا بشهد 
امير مش عاجبه سؤال طارق وايه الفرق بين دينا وشهد ! هاه ! دينا اعتقد ساعة ما انت لمستها كنت اول راجل في حياتها فايه الفرق ! التدين ده بيجي واحدة واحدة ! ايه الفرق تاني !
طارق حس ان امير متحفز وهو محتاج انه يحضر بكرة الحفلة فلازم يهدي اللعب
طارق اتراجع بسرعة علشان امير ما يتراجعش عن قراره بالسهر معاهم فمثل الزعل والندم انا مش عارف يا امير ممكن فعلا اكون اتسرعت وطلقت