رجل بمعني الكلمة
ببص للزرع اللي لسا بينبت ربنا قادر ينبت الزرع دا من وسط الأرض والطين وقادر ينبت طفل جوايا يفرح قلبي
بعدها سمعت صوت عياط ادهم ف جريت بسرعه عليه لقيت أمه شيلاه وبتسكته
بصتلي بضيق سيبتيه ع الكنبه ي هبه عشان يقع
والله ماما كانت جمبه و..
انا مش هأمن ع ابني تاني معاكي انتي..
رضوووووى
شايف ي أمير هبه سابت أدهم وقع من ع الكنبه
بصتله بضيق واخدت الولد ومشيت
ضغطت بايدي بقوه عشان معيطش صعبانه عليا نفسي
بصلي وابتسم بحنيهمتزعليش ي هبه رضوى بس حماقيه شويه
حصل خير ي ابو ادهم
عامله لنا اكل اي بقا انهارده الواحد حاسس أنه جاله انيميا من الاكل الميري
ابتسمت محاشي وبط
ضحكت ع طريقته وقتها حمزه دخل
حاوطني بايده واتكلم بهزار مالك بمراتي ي واد انت عامل فيها ظابط بتستجوبها
رفع حاجبه واد !!نهار مش فايت دا انا الكبير
اها وماله دا انت اكبر بتلات دقايق يعني فرق توقيت مش اكتر
عدل لياقة بدلته بس الكبير برضه
تعالي ي هبه معايا فوق
هات لنفسك ي اخويا
طلعنا فوق اوضتنا
ايدك باينه ليه
اتحرجت ونزلت كم العبايه بسرعه اسفه والله ماخدتش بالي
امم وبرضه ماخدتيش بالك اني بغير ع مراتي ومحبش حد يكلمها ولا يضحكها غيري
ها !اسفه بس والله ..
باس خصلات شعري مش محتاجه تحلفي اصلا انا عارف وواثق فيكي يالا جهزيلي الجلابيه البني واجهزي عشان عندنا مشوار للمركز عنددكتور كويس اوى
عدا تلات شهور وانا متابعه مع الدكتور وعلاج كتير وحقن اكتر وجلسات كل شهر
والله ي هبه لو العيال ليهم مكان نشتريهم منه كنت اشتريتلك ولا ان دموعك ټغرق وشك كدا
كلامه كان بيهون عليا كتير كل ماتعب افتكر كلامه
كنت عند ماما
كنت ف حضنها وبتوجع من الالم بتاع الجلسات والحقن وهي بتطبطب عليا
انا تعبت اوى ي ماما خلاص مبقاش في مكان فيا متحقنتش فيه ولا اتالمت فيه وبرضه مفيش فايده
طب انا عندي خبر حلو ليكي
بجد قولي ي ماما عارفه دكتور احسن
لا ي حبيبتي بس خالك حمدي سافر الحج
ابتسمت ب ماشاء الله ربنا يتقبل ويجي بالسلامه
تعالي نكلمه ونقوله يدعيلك وهو هناك
عيطت وسيبت الفون من ايدي
اخر اليوم حمزه جه اخدني من عند ماما وكان زعلان
مالك ي حمزه
هبه انا لازم اسافر لبنان الاسبوع الجاي
