انا أطلقت بعد شهرين
انت في الصفحة 2 من صفحتين
أنا بقا متجوزتش راجل انا اتجوزت ملاك نازل م السما، عاوزه اقولك اني اتجوزته وانا نفسياً صفر وكنت بقوله انت عاوز واحده تريحك مش تتعبك وانا مش هقدر اعملك اللي نفسك فيه انا محټاجه اتعافى م كل اللي عشته ومريت بيه ومعنديش اي حاجه أقدمها ليك ، يقولي وانا مستعد اخدمك بعيوني لغاية ما تبقى كويسه، كفايه اني هشارك معاكي يومي ويفضل يتغزل فيا.
سافرني دول كتير ف اول سنه جواز وكان بيجبلي كل اللي نفسي فيه،وبسبب حنيته عليا قدر يأهلني نفسياً للحياه م تاني.
بعد سنتين جواز هو كان موقف العلاج فيهم لما الدكاتره قالوله الأمر ف ايد ربنا لوحده، ولكني حملت وحملت ف توأم كمان بنوته وولد، عُمرهم دلوقت ٧ سنين.
بقالي ١٠ سنين عايشه معاه نساني فيهم ۏفاة اهلي، نساني اني اتجوزت قبل كده اتطلقت، نساني كل اللي عشته ومريت بيه ، بقيت انسانه تانيه يوم ماهو دخل حياتي، وطول الوقت بفتكر جملة جارتي "انتي اټظلمتي كتير واتحملتي فوق طاقتك وممكن يكون ده عوض ربنا ليكي" وفعلا كان عندها حق.
البنت والولد كل حياتنا وطول الوقت بحاول اسعده ومفيش يوم بيعدي عليا غير لما بشكر ربنا عليه وبشكره هو ع احسانه ليا ورحمته بيا، وبالنسبالي هو الاب والصاحب والأخ والزوج وكل حاجه ليا ف دُنيتي.
