الإسكندرية
السرير وفضلت أبص علي السقف لحد ما حسيت بحاجه سخنه بتنزل علي خدي ومكانتش الا أنيسي الوحيد دموعي
فصلت فتره طويله علي الوضع دا لحد ما عيوني وجعتني من كتر البكا ونمت من غير ما أحس
تاني يوم قومت علي صوت أخويا محمد فتحت عيوني بتعب وبصيت ليه لقيت الابتسامة مزينه وشه اتعدلت علي السرير وحركت عيني بملل وانا بقوله
لقيته بيرد عليا بحماس وبنفس الابتسامه
قومي يلا جهزي شنطتك عشان هتروحي اسكندريه أنا أقنعت بابا وماما
بصيت ليه بعدم إدراك والصمت كان هو سيد الموقف لحد ما مخي استوعب اللي قاله واتنفضت من علي السرير ومسكت فيه وفضلت أهزه ولساني بيردد كلمه واحده بعدم تصديق
احلف احلف
ضحك عليا وهو بيهز رأسه وقال
حضنته بقوه وانا بقول
انت أحسن أخ في الدنيا شكرا اوي اوي
بعد عني وهو بيضحك وقالي
بدام مصلحه يبقي أنا احسن أخ يلا قومي جهزي شنطتك وحاجتك
جيت اقوم افتكرت أن ماما قالتلي أن وراه شغل فبصيت ليه وقولت
طب وشغلك يا محمد
_ نأجله عشان خاطر الجميل
بصيت ليه بحب وحضنته جامد
ربنا يخليك ليا شكرا بجد
يلا بسرعه قومي بقا ورانا مغامره جديده
هزيت راسب بحماس وروحت اجهز أخيرا هروح اسكندرية هو اه مش لوحدي زي ما كنت بتمني لكن محمد أخويا أفضل رفيق ليا في طريق حياتي من وانا صغيره كفايه أنه أأجل شغله عشان خاطري ومرضاش يزعلني
ابتسمت بحماس ونطيت من الفرحه
جيالك يا اسكندريه ..
رايح فين
_محفظتي مش لاقيها هخرج اشوفها جايز وقعت
مش مشكله يا محمد بتاعتي معايا القطر خلاص هيتحرك مش مشكله
لا المحفظه فيها حاجه مهمه بالنسبه ليا ومينفعش تضيع هنزل
