مكتوب علي اسمي [ الجزء الرابع والعشرون [

البلكونه وميسرة كانت قاعده مكانها مصډومة وحاسه ان كلام عامر معناه انه عارف بخطتها هي وعزيز وفي اللحظة دي خاڤت من تحذير عامر الصريح وخاڤت تخسره
عند آيات نقلت حاجاتها كلها بسرعه ل غرفة عامر ورتبت غرفة والدته. 
عامر دخل غرفته وشاف كل حاجات آيات علي السرير بتاعه وهي واقفه محتارة ومش عارفه هتعمل ايه! 
عامر قرب منها وقالها امي هتقعد معانا كام يوم.. وانا وانتي لازم نكون قدامها اسعد زوجين عشان مش عايزها تلاحظ ان علاقتنا مش طبيعيه!
ردت آيات بتوتر هنعمل ايه يعني عشان تشوف ان علاقتنا طبيعيه
عامر دي اهم حاجة.. احنا الاتنين هنا في نفس الغرفة 
بصت في عينيه وشافت الصدق فيهم وهزت راسها بالموافقة. 
عامر ابتسم وقالها رتبي حاجتك هنا يلا وانا هطلع أشوف أمي دخلت اوضتها ولا لسه.
وابتسمت بتوتر وبصت على السرير بتاعه وهمست لنفسها معقول 
رواية مكتوبة على إسمي بقلمي ملك إبراهيم. 
صباح اليوم التالي. 
عامر فتح عينيه وشاف آيات وافتكر ليلة امس لما رجع الغرفة بعد ما والدته دخلت غرفتها. 
آيات اول لما فتحت عينيها لقت عامر نايم جمبها ومغمض عينيه.. اتوترت لانها كانت نايمه قريبه منه وتقريبا في حضنه. بعدت عنه بخجل وخاڤت انه يصحى ويفتح عينيه ويشوفها جمبه كده! 
قامت من على الفراش بسرعه ودخلت الحمام المرفق بالغرفة عشان تجهز لشغلها. 
عامر فتح عينيه وابتسم وقام هو كمان عشان يجهز لشغله. 
ميسرة في غرفتها منمتش طول الليل وكانت بتفكر في خطة عزيز وفي تحذير عامر ليها.. حست بصداع قوي من كتر التفكير وقلة النوم وخرجت من غرفتها عشان تعمل فنجان القهوة بتاعها!
اخدت آيات الملفات الخاصة بشغلها وخرجت من الغرفة وقابلت ميسرة وهي خارجة من المطبخ وفي ايديها فنجان القهوة بتاعها. 
آيات بصت ل ميسرة بأبتسامة وقالت برقه صباح الخير. 
ميسرة بصتلها پغضب ولمحة عامر وهو خارج من غرفة الرياضه بتاعه وبدلت ملامح وشها بسرعه وابتسمت و ردت عليها صباح الخير يا حبيبتي عامله ايه
آيات بأبتسامة الحمد لله كويسه.
والدته بصتله بأبتسامة وآيات بصتله بخجل وعامر سأل لوالدته هتخرجي لاي مكان النهاردة ابعتلك السواق
ميسرة بتوتر مش عارفه.. لو خرجت هكلمك تبعته.
عامر هز راسه ومسيرة سألته انت لسه برضه مجبتش بنت تخدم هنا انا قومت عملت القهوة لنفسي!!
عامر رد بهدوء انا بفكر نروح نعيش في الفيلا لان الشقة هنا هتبقى صغيرة علينا.
ميسرة بصتله بستغراب
وقالت مين اللي هيعيشوا في الفيلا بالظبط!
رد عامر انا وآيات وحضرتك 
ميسرة بانفعال اشمعنا دلوقتي هتدخل حد غريب الفيلا!! انت كنت رافض ان عزيز وبنته يعيشوا معانا في الفيلا!! ايه اللي غير
رأيك دلوقتي.
عامر بص ل آيات وقال آيات مش غريبه يا أمي.. آيات مراتي وهتكون ام أولادي ان شاء الله.
آيات بصتله بخجل وميسرة بصتلهم پغضب وقالت برحتك يا عامر اعمل اللي انت عايزه.
ودخلت ميسرة غرفتها وآيات بصتله بدهشة وعامر قرب منها وقالها ثواني هكمل لبسي واجي عشان ننزل مع بعض.
آيات هزت راسها بالايجاب وكانت مستغربه العلاقة الغريبه بين عامر ووالدته! 
رواية مكتوبة على إسمي بقلمي ملك إبراهيم 
بعد وقت عامر وآيات كانوا في العربيه وآيات طلبت منه انه ينزلها بعيد عن الشركة لانها مش حابه ان حد يشوفها تاني وهي نازله من عربيته. 
عامر كان مضايق من وضعهم وبيحاول يرضي آيات وعملها اللي هي عايزاه ونزلها قبل الشركة وهو كمل طريقه لشركته.
آيات دخلت الشركة وخلود رفضت تتكلم معاها وكانت زعلانه منها..
طلعت آيات علي مكتبها الجديد فوق والسكرتيرة بتاع امجد استقبلتها بسخرية وقالتلها الباشمهندس امجد هنا من بدري وبيسأل