مكتوب علي أسمى [ الجزء التاسع والثلاثون [

لازم تتصرف.. انا اقنعت كوكو بالعافيه اننا ننام عنده الليلة دي!
عزيز بصلها پغضب وقال بعصبيه داهية فيكي وفي كوكو بتاعك.. رايحة تصاحبي واحد كحيان زيك.. مش لو كنتي ناصحة زي البنت اللي اتجوزت عامر كان زمانك متحكمه في ملايين زيها!
كوكو خرج من اوضته وهو بيمشي بخطواته الرايقه واول لما شاف عزيز وميرنا قاعدين وبيتكلموا مع بعض صړخ فيهم انتوا لسه هنا بتعملوا ايه انا معنديش فطار ليكم!
عزيز ضړب كف على كف وقالها اتفضلي ادي الكحيان اللي انتي جبتيني عنده!! مستخسر فينا الفطار!
ميرنا قامت وقفت وقربت من كوكو وقالتله عيب كده يا كوكو بابا هيزعل منك.
كوكو بعصبيه ناعمه انا معنديش فلوس روحوا كلوا من فلوس عامر وميسرة.
عزيز زفر پغضب وقام وقف وقال بعصبيه انا خارج اشوف حل في المصېبه اللي احنا فيها دي بدل ما اتعصب عليه 
ميرنا بصت ل كوكو بلوم وقالت بزعل مصطنع كده يا كوكي تحرجني مع بابا!
رد كوكو بعصبيه يعني ميسرة طردتكم وعامر مختفي.. هتاخدوا فلوس من مين دلوقتي!!
ميرنا بصتله وقالت بابا أكيد هيتصرف.
كوكو همس بعصبيه عزيز الشحات يتجوز واحدة تانيه غير ميسرة تصرف عليه!! 
ميرنا سمعت همس كوكو وقالت پصدمة كوكو اوعى تفكر تقول الكلام ده قدام بابا!
كوكو مردش عليها واتحرك من قدامها ودخل المطبخ وفتح التلاجة وفجأة صړخ الحقوووووني.. عزيز وبنته سرقوووووني!
ميرنا اټصدمت من صراخه وجريت علي المطبخ وكوكو مسكها من لبسها وقالها بصړاخ سړقتوني وانا نايم يا بنت عزيز.. فين طبق الخيار اللي كان هنا! 
رواية مكتوبة على إسمي بقلمي ملك إبراهيم.
في شركة الچارحي.
آيات دخلت الشركة والمحامي كان موجود في انتظارها ودخلت غرفة مكتب عامر واول لما دخلت وقفت مكانها وبصت علي كل ركن في المكتب وعيونها لمعت بالدموع. 
غمضت عينيها ودموعها خانتها ونزلت والمحامي دخل وراها وشافها وهي واقفه پتبكي وقالها لازم تبقي اقوى من كده يا مدام آيات.. شغل الباشمهندس عامر كبير ومحتاج قلب من حديد عشان تقدري تديري كل الشغل ده.
آيات دخلت المكتب وقعدت على اول مقعد قدامها ورفضت تقعد مكان عامر وقالت بحزن خاېفه مكنش قد المسؤولية!
المحامي بثقة ان شاء الله هتكوني قدها.. متنسيش ان حضرتك زوجة عامر الجارحى يعني قوتك من قوته.
آيات جففت دموعها وبصتله وقالت عايزة أعرف من حضرتك هنبدأ منين 
رد المحامي حضرتك هتعملي اجتماع لكل الادارين في الشركة وهتعرفي الجميع ان حضرتك المسؤلة الوحيدة عن الشركة لحد ما الباشمهندس يرجع وكمان كل المشاريع اللي الشركة بتنفذها لازم تكوني على علم بيها وبكل حاجة بتحصل وكمان عايز انبهك ان خبر اختفاء الباشمهندس عامر وحاډثة باشمهندس شريف انتشر وده هيسبب قلق لعدد كبير من أصحاب المشاريع اللي متعاقدين مع الشركة وحضرتك لازم تطمني الكل ان كل شئ مكمل والشغل هيتنفذ وكأن