بابا ظلمني

بالعافية عشان ترقص معاها
صخر دخل للقصر وهو بيضحك علي اللي عملة في علي
كريمة كانت قاعدة فالصالون وسمعت صخر بيضحك من قلبة وبصوت عالي وده نادر لما بيحصل قالت بمرح ايه دا ايه دا صخر باشا بجلالة قدرة بيضحك!! انا مش مصدق نفسي يالمبي
صخر قرب منها وباس ايديها واتكلم ببتسامة كريمة هانم حافظ بتقول يالمبي!! هو الواد علي بهت عليكي ولا ايه
كريمة هههههه تصدق عندك حق الواد بهت عليا فعلا الا صحيح الولد ده مجاش يتعشى معانا ليه وانت كنت بتضحك اوي كده ليه
صخر مبشاغبة انتي مستخسرة فيا الضحكة ياكرملة
كريمة بحنية وحب امومي ظاهر طبطبت عليه حبيبي انت ياصخر دانا لما بسمع ضحكتك الروح بترد فيا ياضنايا
صخر بأمتنان ربنا يخليكي ليا يا امي ومنحرمش منك ابدا
كريمة ولا منك حبيبي وكملت بفضول ها كنت بتضحك ليه
صخر ضحك علي فضولها وحكالها على اللي عملة في علي
بعد ماصخر حكي لامه اللي عمله في علي كريمة اڼفجرت في الضحك
كريمة بأبتسامةاخس عليك ياصخر يهون عليك علي تعمل فيه كده
صخر بهدوء عشان يحرم يستفذني تاني
الا صحيح هي مريم وعشق فين!
كريمة مريم من الصبح واخده عشق واقعدة معاها في اوضتها
صخر تقصدي اوضتي انا!!
كريمة لا ياصخر بقولك مريم اخدت عشق فاوضتها يعني اوضة مريم .. وكملت كلامها وهي بتقوم هروح انا اقول لسعدية تجهز العشا .. حبيبي اطلع انت خد دش وهات مريم وعشق عشان نتعشى
صخر ببتسامة حاضر ياست الكل عن اذنك
صخر طالع على سلم الفيلا اللي بيوصلوا للدور التاني اللي في اوضته انتبه لصوت اغاني وضحك بصوت عالي عرف ان صوت مريم وعشق ابتسم من قلبه لما سمح صوت ضحكة عشق قرب بهدوء من اوضة مريم وكان لسه هيخبط على الباب بس وقف مذهول من اللي شافه
عشق ومريم واقفين بيرقصوا ويضحكوا ومخدوش بالهم من اللي واقف مصډوم وهو شايف عشق وهي بترقص وتتمايل ببراعة مغرية مع كلمات الاغنية
انتفضت عشق ومريم علي صوت صخر المصډوم انتوا بتعملوا ايه
مريم بخضة اا اابيه
عشق جمدت مكانها واتمنت الارض تنشق وتبلعها ووشها عبارة عن كتلة من الفراولة من كتر الخجل قطع شورودها صخر لما قرب منها وبقي واقف وراها بالظبط وطى صخر لمستواها وهمس جنب ودانها بصوت مغري بتعملي ايه ياعشقي
عشق لفت راسها وبصتله من غير ماتحرك جسمها واتكلمت باوتر وخجل اا انا اصل مريم انا
صخر بحنية وهو بيقرب وشه منها لدرجة انها بقت حاسه بنفسه بېلمس وشها اهدي ياعشقي
مريم بمرح وخجل احمم احم نحن هنا
عشق بحرج بعدت عن صخر بسرعة واستأذنت وراحت علي اوضتها
صخر بص لمريم پغضب مريم پخوف انت بتبصلي كده ليه ياضحر انا عملت ايه دلوقتي
صخر قرب منها وضرابها علي قفاها بخفه عملك اسود ومنيل ايه اللي عملتيه في عشق دا! من اول قاعدة تقعديها معاها وتخليها راقصة وتفسدي اخلقها كده
مريم بلامبالاة وبصوت واطي هي منحرفة لوحديها
صخر پغضب مصطنع نعمممم ياختي بتقولي حاجة!!
مريم بتوتر انا لاااا خالص مقولتش حاجة حقك عليا ياابيه وادي راسك ايه
حاولت تبوس راسه بس صخر اطول منها قالت بمرح وتسرع بما انك طويل واهب
صخر مسكها من هدومها زي الارنب 
بتقولي حاجة يابت
مريم بړعب اناااااا! محصلش يابيه والله
صخر بتريقة انا بحسب
و سابها وخرج
مريم برتياح الحمدلله فلت منع وعدت علي خير ربنا يكون فعونك ياعشق
في اوضة عشق وصخر
عشق كانت واقفة قدام المراية وبتكلم نفسها وهي مصډومة ومش مصدقة ان صخر شافها وهي بترقص يالهوي عليكي ياعشق يالهوي يالهوي خلتيه يشوفك وانتي بترقصي وتدلعي زي الرقصات يافالحة!! هيقول عليكي ايه دلوقتي!! هوريلوا وشي ازاي اصلا!! ازاي منتبهتش انه واقف! ياريت كانت الارض انشقت وبلاعتني ولا

هو يشوفني بالوضع دا مصېبة ليفكرني قاصدة اغرية!!!!
بصراحة انتي اغرتيني
عشق اتفاجئت بصخر وراها وهو حاط ايديه فجيبة وبيبصلها بتسلية
عشق برتباك اا اصل انا يعني عشان ااا هو انت اتعشيت
صخر بمكر وهو بيقرب منها لا لسه هتعشى
عشق اتكلمت وهي بتتخطاه عشان تخرج من الاوضة طب يلا ننزل نتعشى ااصل انا جعانة اووي
صخر مسك ايديها ومناعها انها تمشي ولف ايده حوالين خصرها وقربها من جدا بقت فحضنة واتكلم بمكر بس انا عايز اتعشي هنا
عشق بخجل واحراج من قربه منها بالشكل ده ططب سبني انزل اجبلك الاكل هنا
صخر وهو مستمتع بخجالها وضمھا ليه اكتر طب مانا اكلي قدامي اهو
عشق بعدم فهم وخجل وتوتر من نظراته ليها مم مش فااهمة هو فين!
صخر قرب وشه من وشها جدا وقال بهمس اهو ... عشق من الصدمة معرفتش تعمل ايه او تتصرف ازاي!
هو الوحيد اللي بيخليها بالشكل دا تايهه مش عارفة تتصرف .. بيسيكر عليها بكلامة ونظراته .. هو اول راجل يكون قريب منها بالطريقة دي اول واحد يلمسها كده
وسند راسه علي دماغها وبيتنفس بصوت عالي اتكلم بصعوبة ومرح حاول يبعد بيه الجو المشحون احلي عشا اتعشيته فحياتي
عشق بخجل وحرج حاولت تبعد عنه بس صخر مسمحلهاش اتكلمت بصوت واطي خجول صخر
صخر قلبه
اعشق اتوترت اكتر وخجلها زاد اكتر واكتر وتكلمت بارتباك ابعد لو سمحت اا انت وعدتني انك مش يعني
صخر بمكر وعدتك بأيه
عشق بخحل انك يعني مش هتعمل اللي عملته دا
صخر ببتسامة وايدة بتلمس وشها وبيرجع شعرها لورا هو انا عملت ايه
عشق وشها كله بقي احمر خالص زي الفروالة ومش لاقيه كلام تقولة هي اصلا مش عارفة تتكلم!! صعبت علي صخر لما لقاها ھتموت من الخجل فبعد عنها بهدوء واتكلم بحنيه خلاص خلاص انتي ھتموتي ولا ايه! قلبتي علي فرولاية كده ليه! تعال ننزل نتعشى
عشق اكتفت بهزة من راسها دليل علي موافقتها
ليلا في قصر السيوفي .. صخر وعشق انضموا مع كريمة ومريم علي السفرة بيتعشوا
في جو هادي ومرح من مريم .. صخر مهتم جدا ب اكل عشق لدرجة انه بياكلها ب ايدة وسط احراجها وخجلها اللي واضح للكل .. بس صخر مركز معاها هي ومش مهتم بنظرات الباقي حتي نظرات عشق اللي بترجوه بصمت يبطل ياكلها بايده وكفاية احراج قدام مامته واخته .. بس هو ملاحظ انها تقريبا مش بتاكل من وقت ما دخلت بيته وهو متابع اكلها وانها بتاكل كمية لا تذكر .. قطع شروده صوت كريمة
كريمة ب ابتسامة هتعمل فرحك انت وعشق امتي ياصخر!!
عشق اتوترت وخۏفها بان في عنيها واعتقدت ان صخر هيلغي اتفاقه معاها .. صخر بصلها اووي وركز في عيونها وفهم هي بتفكر في ايه .. بص لامه واتكلم بهدوء مش دلوقتي يا امي .. انا هعلن خطوبتي انا وعشق انما فراحنا كمان 6شهور باذن الله
عشق اتنهدت برتياح وكأن حمل وانشال من عليها وبصت لصخر بامتنان انه قد كلامه معاها .. وكبر ف نظرها اكتر
اتكلمت كريمة باستغراب شديد اشمعني 6شهور ياصخر!! مااحنا نعمل الفرح دلوقتي!! حبيبي ليه التاخير دا كله!!
مريم بمرح ايوه يا صخر عايزين نفرح بيك ياعسل انت
صخر بغض النظر عن عسل دي!! بس يا امي انا وعشق محتاجين وقت ناخد علي بعض فيه .. وقت نتعرف علي بعض .. وعلي طباع بعض .. بعد اذنك ياامي احنا مش عايزين نتسرع
كريمة بحنيه براحتم ياقلبي انت عندك حق .. امتي الخطوبة بقى
صخر وعشق ومريم ضحكوا علي اصرار كريمة
صخر بص في عيون عشق ومسك ايديها ورد الاسبوع الجاي يا امي نكون حضرنا كل حاجة لحفلة الخطوبة
كريمة طب ايه رايك نعملها هنا في القصر يا صخر!! ايه رايك ياعشق تحبي نعمله هنا ولا انتي عايزة تعمليها في قاعة اوي اي مكان تاني!!
عشق بتوتر من الخطوة دي .. حاسه ان كل حاجة بيحصل بسرعة .. هي مش مستعدة للخطوة دي مش مستعدة للحياة الجديدة اللي دخلت فيها مرة واحدة من غير اي تمهيد!! انتبهت ل ايد صخر اللي ضغطت علي ايديها وكانه بيطمنها بصتله اووي وركزت في عيونه متنكرش انها مرتحاله .. انها بتطمن وهو موجود!! .. مستغربة من نفسها جدا .. ازاي بتطمن وهو موجود! ازاي ارتاحتله بالسرعة دي!!
ردت علي كريمة ب ابتسامة اللي حضرتك شيفاه انتي وصخر اعملوه انا معنديش اي اعتراض
كريمة باندفاع ازاي بس يابنتي مش دي خطوبتك وفرحة عمرك لازم تختاري اللي انتي عايزة
عشق رددت بصوت واضح فيه الحزن والۏجع فرحة عمري!! معتقدش ياطنط ..شكل حضرتك نسيتي انا وصخر اتجوزنا ازاي!!! قامت من على السفرة وكملت انا شبعت هطلع انام واللي حضرتك عايزاه اعمليه .. تصبحوا علي خير
صخر متابعها بعيونه وشايف قد ايه حزينة ومکسورة من اللي عمله فيها اكبر دليل علي انكسارها ظهرها اللي منحني وهي ماشية .. كره نفسه والظروف

اللي وصلته انه يكسر نفسها بالشكل دا .. قضى علي احلامها .. اجبارها .. اتنهد بصوت عالي دل علي مدى آلمه وڠضبة بص لامه واتكلم بصوت حاول يكون هادي بعد اذنك يا امي خلي بالك من كلامك مع عشق لو سمحتي
كريمة بدموع انت عارف اني مقصدش يا صخر اني ازعلها ابدا .. يعز عليا اشوفها موجوعة بالشكل دا
صخر قام وقرب من امه ومسح دموعها اللي نزلت ومسك ايديها باسها حقك عليا .. انا مقصدش ازعلك ابدا ومتاكد انك متقصديش انك تزعليها بس انا اقصد ان احنا نتجنب اي حاجة حتي لو كلمة ټجرح عشق يا امي كفاية اللي هي حاسه بيه متزعليش مني .. وكمل كلامة بمرح مصطنع وادي دماغك ياستي وباسها بهدوء
كريمة طبطبت عليه انا لا يمكن ازعل منك ياصخر دا انت اول فرحتي ياحبيبي وعارفة قصدك كويس انا اكتر واحده حاسه ب عشق وفاهماها والله .. بس اعمل ايه الكلام طلع مني ڠصب عني
صخر حصل خير يا امي تصبح على جنه ياست الكل انتي والهبله دي .. وشاور على مريم اللي قاعدة سرحانه وفاقت على صوت صخر
كريمة وانت من اهلها حبيبي
مريم بمرح تشكر يازوق
صخر ب ابتسامة لسانك يابت مش ه حذرك تاني
مريم بابتسامة بلهاء تصبح علي خير ياقلبي
صخر هز دماغة بمعنى ان مفيش فايدة فيها وطلع على اوضته
__________
في الجهة التانية نريمان قاعدة ومعاها مايا
ف قصر ناصر عمران
نريمان بستغراب بس احنا هنستفاد ايه يا مايا لما نقول ل صخر السيوفي ان عشق مش بنت ناصر !!
مايا پغضب في ايه يامامي ركزي معايا كده!! صخر السيوفي بمركزة ووضعة اكيد مش هيقبل ان مراته تكون بنت حرام وخصوصا لو وصلنالوا اننا ممكن نوصل خبر صغير من فاعل خير لاكبر جريدة ف مصر والوطن العربي ان حرم صخر السيوفي بنت غير شرعية وشوية تحابيش من الصحافين وان رجل