ابليس والضائعه الجزء الثامن
انت في الصفحة 3 من 3 صفحات
كان بيتكلم فيه انه علشان يطلق بهدوء تتنازلى عن المؤخر والنفقة...ولما قلنا اننا مش عايزين طلاق قال انه كده كده هيتجوز
سكتت هيام...
مش قصدى اضايقك يا هيام بس انتى زعلانة اوى على حد مايستاهلش والله
كنت بحبه وبيننا عشرة مش سهل انساها ف كام شهر
معلش مع الوقت هتنسى
صوت ولاء
يالااااااا العشا جاهز
تانى يوم ...عادل صحا ف معاده
داخل المطبخ يشرب... خبط فى هيام وهو داخل
اتخضت هيام ورجعت لورا
مټخافيش...انتى صاحية
اه انا بصحى بدرى ولما لقيتكم نايمين قلت اعمل كوباية شاى لحد ما تصحوا
اسف انى معملتش صوت ...معرفش انك صاحية
انا اللى اسفة انى خضيتك... انت نازل
اه رايح الشغل ...عايزة حاجة وانا جاى
لا ولاء بتبقى نايمة وانا بفطر ف الشغل
طب استنى...الشاى خلص واعملك سندوتش تفطر بيه قبل ماتنزل
مش عايز اتعبك
لا ابدا...انا صاحية ومش لاقية حاجة اعملها...ثوانى
عادل قاعد ع السفرة
انتى مش هتفطرى
هستنى ولاء ونفطر مع بعض
ولاء لسه بدرى على ماتصحى...اقعدى افطرى معايا
قعدت هيام...وبدأوا يفطروا مع بعض
اتعودت اصحى بدرى واعمل الفطار لمحمد قبل مايروح الشغل
هو اللى خسرك ياهيام مش انتى اللى خسرتيه
شكرا...كلكم بتحاولوا تخففوا عنى
انا بتكلم بجد... اللى يسيب واحدة زيك يبقى هو الخسران
سكتت هيام... وهى مقدرة وقفتهم كلهم جنبها
شكرا ع الفطار... سلام
قامت هيام
مع السلامة
عادل داخل المكتب...
ردوا كل الموجودين
صباح النور
قعد على مكتبه... وهو سرحان
كل تفكيره بيستعيد اللحظة اللى
فاق من تفكيره على صوت مدحت
عااااااادل
نعم
سرحان ف ايه ياعم بنادى لك بقالى ساعة
مخدتش بالى
طب بقولك ايه
وشاور له... قام عادل وسحب كرسيه جنب مدحت
انا جالى تعليمات ان فيه قروض هتتعمل قريب
وبعدين
المدير قال اختار حد معايا يمسك شغل القروض
ما انا بقولك.. ايه رأيك
ماشى
طيب انا عارف ان مخك ذرى.. ما تفكر اننا نطلع بمصلحة وسط الفلوس دى ومتكنش خطړ علينا
مصلحة
اه... هما الناس اللى هتاخد الفلوس دى احسن مننا
لا طبعا مش احسن
خلاص...فكر
ماشى...هو الشغل ده هيبدأ امتى
قريب...لسه هيجيلى تعليمات
رجع عادل على مكتبه... وسمع 2 زمايله بيتكلموا
اعلان رحلة اسكندرية اتعلق
كلها شهرين ونبقى دخلنا ف الصيف ...انا روحتها السنة اللى فاتت وكانت حلوة اوى
ياراجل...طيب شجعتنى اقدم فيها
متتأخرش علشان دى بتتلم بسرعة ومبياخدوش عدد زيادة
هتكلم معاهم ف البيت واشوف
بعد ما سمعهم عادل...اتصل على البيت
الو...ايوه ياولاء...ازيك انتى...لا مفيش حاجة بس كنت عايز اقولك ان الشغل عامل رحلة اسكندرية ايه رأيك احجز... طيب هحجز النهاردة... بقولك ايه تيجى ناخد هيام معانا تغير جو
لو عايز باقى الاحداث صلى على رسول الله ونضع عشر ملصقات
