حد يعرف يجاوب
انت في الصفحة 4 من 4 صفحات
عليكم.
وعليكم السلام ورحمة الله وبركاته.
مشيت وأنا مضايق ومخڼوق من زعلها وإنها أكيد پتبكي دلوقتي وأنا مفيش في أيدي حاجة أعملها.
السلام عليكم..
وعليكم السلام ورحمة الله وبركاته اتفضلوا اتفضلوا.
اومال فين نور يا عمي أنا جبتلها الكنترول كله أهو ورئيس القسم ودكتور المادة يطمنوها إن تقديرها مضاعش ولا حاجة.
ضحك بكل صوته
المهم ست نور متزعلش بس.
كنت بضحك بكل صوتي بعد ما الضيوف مشيوا وقعدنا أنا وهو على عتبة السلم وبفتكر دخلته علينا بالدكاترة.
طب وإزاي أقنعتهم
أي متعرفيش أنا مين ولا أي
باباك رئيس القسم صح نسيت.
وناهيك عن كده هم أساتذتي ودكاترتي ودرسولي قبل كده فبيعزوني.
لأجل مشوفش دموعك دي تاني أنت عارفة إني لحد الآن مفطرتش من الصبح بسبب قلقي عليك ولما أنت رفضتي تاكلي أنا مبقاش ليا نفس للأكل زعلك غالي عليا ويفرقلي.
لوهلة حسيت برعشة من إحساس بالذنب ناحيته بدل ما أكون نور ليه حاسة إنه بدأ يبقى أضعف ومنطفي أكتر وده بسببي.
أومال أنت فاكرة أي طب ماهو زعلك يزعلني وطبيعي أتأثر بزعلك ومتفكريش كتير بالطريقة دي لأن الحياة مش بتمشي على وتيرة واحدة ولو مكنتش أنا أهتم لزعلك يبقى أنا ضفتلك أي في حياتك إلا إني بقيت عبء!
أنت بس ميلي عليا بهمومك وأنا عمري ما أميل.
عيوني دمعت وهو بيطلع ليا طارة منسوچ عليها نور على نور يهدي الله لنوره من يشاء
خليها معاك لحين ما تنوري شقتنا ونعلقها سوا.
دي خطيرررة ومبهرة.
دي حاجة بسيطة علشانك.
تعالى معايا.
أي
اقعد مع بابا لحد ما أطبخلك.
تطبخي
أنا كمان مأكلتش وبابا مأكلش فهناكل سوا وحقك عليا إني السبب في إنك مأكلتش لحد دلوقتي.
طب مش لما تدوق الأول
من قبل ما أدوق.
أنا حذرتك وأنت براحتك يا دكتوررر.
بالفعل روحت جهزت الأكل لينا سوا وحطيته عالسفرة وناديت عليه هو وبابا وبدأوا ياكلوا وهم مندمجين وبيضحكوا وقد أي منظرهم كان محبب للعين وونس بالنسبالي الله لا يحرمني من أحب رجلين في حياتي أبي و..... حبيبي.
أنا مړعوپة.
اطمني انا واثق إنك الأولى وشوية وبابا ييجي ويطمننا.
كنت أنا وبابا ومصطفى ومامته متجمعين ومنتظرين عمو والد مصطفى هييجي يقولنا نتيجة الكنترول.
أهو جه
جريت ناحيته وكلهم ورايا
هاا أي يا عمو حضرتك حزين ليه منجحتش صح الترتيب ضاع
للأسف يا نور يا بنتي عمر الشقي بقي والعيلة زادها دكتورة جديدة.
صويت مع صړيخ مع زغاريط من
خلاص ملكيش حجة النهاردة كتب الكتاب
خليتك انتظرت كتير
أوي أوي.
بس دول 6 شهور!
اليوم عندي كان بسنة.
للدرجادي
وأكتر.
خلاص طال انتظارك والنهاردة هينتهي الانتظار ده.
من أيد راجل عاش عمره كله لأجل تربيتي وصلاحي لأيد راجل عمري الجاي كله معاه بإذن الله من يد حنون ليد أمينة بينهما عمري الذي أحمد الله عليك الذي رزقني بأحب رجلين في حياتي أبي وحبيبي وقد زالت المسافات.
أقرب
ولد عيييب!
عيب أي أنا باصم وماضي مع المأذون برا!
حيث كده حلال عليك.
يا نور مصطفى يا نوري أنا يا عمري أنا حلال عليا أنا.
يا وعديي أنا.
دلوقتي واقفين في صالون شقتنا بنعلق الطارة اللي جابهالي يصالحني بيها في أول امتحان فاينال
نور على نور يهدي الله لنوره من يشاء
