الشقه المغلقه بقلم اسلام فرغلي

عليه پصدمة و انا بشاور ناحية العمارة و انا بقوله انا ساكن اصلا الراجل برق بعنيه و قال اصلا ! رديت و قلتله اصلا كمل كلامه و قال العمارة دي خړابة من سنين من ساعت ما حصل اللي حصل و السكان و الناس اللي فيها سابوها و كان كل اللي يعرف حكايتها بياخدها من قصيرها و ما يسكنش فيها و من ىساعتها و هي بقت خړابة و هي اصلا العمارة كانت ملك لسكانها يعني كانت الشقق بتاعتها مش أجار كانت ملك للسكان حتي الشقة اللي حصلت فيها الچريمة اللي في الدور التالت كانت ملك لصاحبها قلتله ايواااه قولي ايه اللي حصل في الشقة دي ! الراجل مسك ايدي و ابتسم وقال تعالي بس بعيد عن العمارة هنعقد علي الكنبة اللي قدام البيت اللي هناك دا و هحكيلك رحت مع الراجل و انا متشوق اسمع منه الحاكية قعدنا و الراجل عمل شاي و قال بص يا سيدي .. الشقة اللي في الدور التالت كان ساكن فيها راجل و مراته و بنته الراجل في يوم كان پيتخانق زي كل يوم و كانت الناس متعودين عليهم و علي خناقهم و اهل العمارة ادخلوا اكتر من مرة و الراجل كان بيشتهم و يغلط فيهم و يقولهم واحد مراته محدش يدخل الناس مكانتش بتقرب من شقة الراجل دا من لسانه و كانوا بيسبوهم يتاخنقوا و يسكتوا براحتهم و في يوم كانوا بيتخانقوا و في وسط الخناق و الصوت العالي سمعنا صوت صړيخ الست بهستريا و فجأة الصوت سكت مرة واحدة و عدت الايام و مكناش بنسمع خناق تاني بين الراجل دا و الست بتعته بس الغريب ان مفيش حد من العمارة بقي بيشوف الست دي و لا بنتهم و لا بيسمعوا ليهم صوت وكأن الراجل دا بقي عايش لوحدوا اهل العمارة و الناس بدأو يشكوا ان الراجل عمل في الست و بنتها حاجة بس مكانوش قادرين يتكلموا معاه وفي مرة في ريحة وحشة انتشرت في العمارة كلها محدش كان عارف فين مصدر الريحة دي ! لحد ما واحد من اهل العمارة ان الريحة خارجة من الشقة بتاعت الراجل دا و بالفعل اهل العمارة استنوا لما الراجل دا خرج و كسروا القفل بتاع الشقة و دخلوا و قلبوا في الشقة كلها ولقيوا چثة مراته ملفوفة و محطوطة في الحمام و بلغوا البوليس و عملوا كمين للراجل دا و مسكوه و اتحاكم بس بعد اللي حصل بدأت تحصل حاجات في الشقة غريبة دي كانت بتحصل في العمارة كلها قطعت كلامه و انا بقوله بس في حاجة انت فوتها .. بنته فين ! الراجل رد وقال مانا لسه
بكملك اهو .. الراجل اتحكم عليه و اتعدم و محدش عرف مكان بنته راحت فين ! .. رغم انها مخرجتش من الشقة ورغم ان البوليس دور في الشقة كلها و ملقيش أي أثر ليها بس السكان كانوا بسمعوا كل يوم صړيخ للبنت دي من الشقة اياها و هي مقفولة و تحصل حاجات تاني السكان مكانش قدامهم حاجة غير انهم يسيبوا العمارة وبالفعل سابوا العمارة ومن ساعتها و هي أتهأجرت و محدش بيدخلها الحكاية دي بقالها عشر سنين كنت قاعد بسمع و انا مصډوم واټصدمت اكتر لما سمعت عدد السنين دي نفس السنة اللي اتحبس فيها ابويا و اتحكم عليه ! قلتله هو صاحب الشقة كان اسمه ايه الراجل مكانش فاكر و قعد يفكر و بعدين قال اه كان اسمه زينهم عبدالرحمن وقفت من مكاني و انا في صدمة لما سمعت الاسم ! و انا بقول انت متأكد الراجل رد وقال اه متأكد .. هو في حاجة و لا ايه ! .. انت تعرف صاحب الاسم رديت و انا في صدمة كبيرة دا اسم ابويا .. يتبع
ياتري البنت راحت فين و ايه قصة البواب 
الشقة_المغلقة
اسلام_فرغلي