فتاه سيئة السمعه للكاتب عادل عبد الله
مطلقة وانت مش اتجوزت قبل كده يعني اكيد اهلك مش هيوافقوا علي جوازنا !! ده غير كلام زمايلنا في الشغل !! وكلام الناس كمان !!
مش مهم عندي المهم اني اقتنعت بيكي وحبيتك وعاوز اكمل حياتي معاكي
هتقابلك صعوبات كتير ومشاكل اكتر
مش مهم المهم عندي اننا نتجوز ونكون لبعض
طيب سيبني افكر كام يوم وارد عليك
وليه كام يوم فكري دلوقتي وقوليلي
وبعدها كنت بتقابل مع ايناس في الشغل لكننا كنا بنتعامل عن بعد مقصود منها !!! لدرجة اني شكيت ان ردها عليا هيكون بالرفض
حتي لما طلبت منها اننا نتقابل بره الشغل او نتكلم فون او نت رفضت بحجة انها عاوزة تكون بعيد عن اي تأثير وهي بتفكر
وبعد حوالي ٤ ايام وقبل خروجنا من الشغل بنص ساعة سألتها بصوت منخفض انتي لسه بتفكري ومش اخدتي قرار
خلصت الشغل وخرجنا وروحنا قاعدنا مع بعض في مكان هادي وطول الطريق كنت بسألها وهي بتقولي لما نوصل ونقعد هرد عليك !!
قعدنا وبصت في عيني جامد وقالتلي بص في عينيا يا عز
بصيت في عينيها سألتني انت حقيقي بتحبني
ايوه بحبك
من قلبك
شوفي عينيا وهو تقولك العيون عمرها ما تكدب
ولو شوفتي قلبي هيقولك بحبك اوي اوي اوي
انا يا عز اتغشيت واتخدعت في ناس كتير ولو اتغشيت فيك هتبقي اكبر صدمة ليا طول عمري وممكن مش اعرف اعيش حياتي بصورة طبيعية بعدها
وانا اوعدك انك عمرك ما هتشعري انك انخدعتي فيا
اوعدني انك هتفضل جنبي مهما حصل وعمرك ما تخوني ولا تبعد عني
اوعدك يا روح قلبي
روح قلبي وحياتي ونور عينيا
ما بلاش يا عز الكلام ده
ليه يا قلبي
مش عاوزة اتعود علي الكلام ده اتعلق بيك اكتر وبعدين فجاة مش الاقيك جنبي
ليه بتقولي كده انا هفضل جنبك علطول
انا مصدقاك وعارفة ان ده اللي في قلبك لكن حاسة اننا مش هنكمل مع بعض وهتحصل حاجة تفرقنا وتبعدنا عن بعض
ليه بتقولي كده
لا بلاش الاحساس ده يسيطر عليكي اتفائلي خير دايما وان شاء الله مفيش حاجة تفرق بينا ونكمل حياتنا كلها مع بعض
يعني مش هترجع ټندم وتقول ان ارتباطي بيك كان سبب في مشاكل كتير في حياتك
ابدا ابدا لكن ليا شرط وحيد
اي هو
اسمع منك كلمة بحبك
وانت لغاية دلوقتي مش حسيتها في كلامي
انا عاوز اسمعها
وانا بمۏت فيكي
وانا موافقة يا عز اننا نتجوز
كانت اسعد لحظات حياتي بجد ووقتها ان ده اول حب حقيقي في حياتي وان اللي قبلها كانت مش حب حقيقي
روحت البيت وكنت طاير من السعادة لدرجة اني بمجرد ما دخلت البيت امي سألتني خير يا حبيبي مالك في ايه
ماما انا اسعد حد في الدنيا
يارب دايما يا حبيب قلبي خير يا حبيبي فرحني معاك
انا قررت اتجوز
امي جريت لوالدي وقالتله اني نويت اتجوز وفرحة والدي كمان كانت كبيرة اوي
بعدها أمي طلبت مني عنوان العروسة علشان تسأل عليها وعلي اهلها !!!!
بدأت اشعر بالخۏف والقلق واتغيرت ملامح وشي لأني متأكد انهم لما يسألوا عنها هيعرفوا الاشاعات اللي الناس بتقولها عنها ده غير طبعا انهم هيعرفوا انها مطلقة !!!!
وكان لازم امهدلهم اول صدمة واقولهم انها مطلقة !!!
لكن مش عارف اقولهم ازاي ولا عارف رد فعلهم هيكون ايه !!!!!
الحلقة ٩
بعدها أمي طلبت مني عنوان العروسة علشان تسأل عليها وعلي اهلها !!!!
بدأت اشعر بالخۏف والقلق واتغيرت ملامح وشي لأني متأكد انهم لما يسألوا عنها هيعرفوا الاشاعات اللي الناس بتقولها عنها ده غير طبعا انهم هيعرفوا انها مطلقة !!!!
وكان لازم امهدلهم اول صدمة واقولهم انها مطلقة !!!
لكن مش عارف اقولهم ازاي ولا
عارف رد فعلهم هيكون ايه !!!!!
بعد يومين قولت لأمي كنت عاوز اقولك حاجة يا امي بالنسبة للعروسة
خير يا حبيبي
ايناس علفكرة كان مكتوب كتابها قبل كده
بتقول ايه يا عز وليه كده يا بني !!!
ليه ايه يا ماما وفيها ايه
ليه عاوز تتجوز واحدة كانت متجوزة قبلك
ده كتب كتاب بس يا امي
اكيد اللي كان كاتب كتابها اختلا بيها وهما مخطوبين
يا امي دي ايناس محترمة اوي
بقولك لأ يعني لأ مادام انكتب كتابها يبقي اللي كان كاتب كتابها اختلا بيها وحصل بينهم حاجة
يا امي انا اقدر احاسبها من وقت ما اتخطبنا
يا ابني انت عبيط !!! ازاي تقول كده !!! لازم تبقي اول واحد بالنسبة لمراتك واول راجل عرفته في حياتها
وفيها ايه يا امي دي بنت حلال وكويسة و
لا يا حبيبي كله الا دي لازم تتجوز بنت بنوت وتكون اول فرحتك وانت اول فرحتها يا حبيبي
ما هي بنت بنوت يا امي والصراحة انا بحب ايناس وعاوزها
وانا بقولك دي بالذات مستحيل اوافق وحتي ابوك مستحيل يوافق
ولو قولتلك علشان خاطري يا امي
علشان خاطرك انا بقول كده وعلشان عاوزة مصلحتك
بعد اذنك يا ماما انا مش هتجوز غير ايناس
قامت أمي وراحت لوالدي وقالتله !!! والدي ڠضب اوي و قالي ليه كده يا عز
ليه ايه يا بابا
ليه يا حبيبي تتجوز واحدة كانت متجوزة قبلك !!
ده كتب كتاب بس يا بابا
ولو يا حبيبي مينفعش لازم تتجوز بنت تكون انت اول فرحتها وهي اول فرحتك لو كنت اتجوزت قبل كده كنا ممكن نفكر انما انت عمرك نا اتجوزت ولا دخلت دنيا يكون اول بختك كده !!!
يابابا دي انسانة محترمة اوي وبنت حلال وبحبها اوي وهي كمان بتحبني
ااه ما دام عرفت تحبك قبل ما تتخطبوا يبقي عملت ايه مع اللي كان كاتب عليها وقربوا يتجوزوا !!!!
يابابا هي انسانه محترمة ومؤدبة وعمرها ما غلطت وعموما انا ممكن احاسبها بس من وقت ما ارتبط بيها
مين يا بني اللي دخل في عقلك الافكار الغلط دي !!
هي دي الحقيقة وهو ده الصح
الصح يا بني اللي انا بقولك عليه انا اكبر منك بكتير واعرف الدنيا اكتر منك وبكلمك لمصلحتك
لكن انا بحبها ومش هتجوز غيرها
وانتهي الحوار مع والدي ووالدتي وهما مصممين علي رفض جوازي بايناس !!
ايناس سألتني انت هتتقدم وتخطبني امتي
وضح عليا الارتباك لأني كنت مش عارف اقولها ازاي ان اهلي رافضين
ايناس لاحظت ارتباكي وفهمت فسألتني اهلك رفضوا صح
حاولت اخبي عليها وقولتلها لأ انا لسه مش قولتلهم
لكن هي فهمت وقالتلي انا مش زعلانة لأني كنت متوقعة كده
هما بس في الاول كده لكن لما يعرفوا اني متمسك بيكي ومصمم اتجوزك هيضطروا انهم يوافقوا
انا مش عاوزاك تعمل حاجة ڠصب عن اهلك يا عز ومش ارضي انهم يغضبوا عليك او يزعلوا منك بسببي
مش تشغلي نفسك بالموضوع ده انا هعرف اتصرف
لا يا عز احنا نبعد من دلوقتي احسن
اوعي تقولي كده تاني انا خلاص قلبي اتعلق بيكي ومش اقدر اعيش من غيرك
ماشي يا
عز انا هخليني معاك للاخر لكن انا عارفة اننا مش هنكون لبعض
بعد اذنك مش تقولي الكلمة دي تاني بقلم عادل عبد الله
بعد ايام كنت لاحظت ان هدي السكرتيرة دايما بتبص ليا كتير وحاسس ان فيها كلام كتير
وفي يوم اتفاجئت بهدي السكرتيرة بتكلمني وبتقولي كنت عاوزاك يا استاذ عز في
