رواية ديفشا
ويقوم امي عليا
طارق بصلها وبتريقة وانتي من امتي بيقدر عليكي هو هنمثل ولا ايه
دينا بضيق وقلق ايوه هنا لكن مش سفر بره !
عمرو اتدخل وبص لعلا وسألها رأيك ايه انتي يا علا
علا قلبت شفايفها وهزت اكتافها بحيرة وبصت لأمير مش عارفة امير ايه الرأي
امير بصلهم كلهم وكأنهم منتظرين رأيه هو وبس وسفرهم متوقف علي كلامه مفيش مشكلة نسافر واحنا ورانا ايه
طارق بصله وبغلاسة اشمعني هتفرق معاك في ايه
عمرو بص لطارق وحاول يبرر سبب رفضه مفيش بس ممكن ابويا يعترض
طارق وهو بيصب لنفسه كاس تاني لا ابوك مش هيعترض وبعدين ما تقلقش احنا هنقوم بالليلة كلها انت هتيجي علي قفانا
عمرو ابتسم وسكت ومحدش فيهم حس پالنار والغيظ اللي جواه ..
شهد هيا وشاكر روحوا و شهد كعادتها دخلت لابوها وامها الاول سلام عليكم يا حلوين
الاتنين بصولها وابتسموا وعليكم السلام بست البنات تعالي
ام شهد عايده ادخلي يا شوشو
شهد دخلت وحست باحساس غريب مالكم قاعدين كده ليه انتو الاتنين وكأنكم بتطبخوا حاجة مع بعض
محسن بتوتر وقلق اب خاېف علي بنته من اللي جاي فعلا يا بنتي اقعدي عايز اقولك حاجة مهمة
محسن اخد نفس طويل واستعد للكلام اللي مش عارف يبدؤه ازاي انتي ما شاء الله خلصتي كليتك اهو الحاسبات والمعلومات وبقيتي مهندسة كمبيوتر قد الدنيا
شهد استغربت من المقدمات دي اللي عمر ما أبوها احتاجها قبل كده الحمد لله رب العالمين
محسن بصلها وقرر يتكلم علي طول بدون مقدمات بصي من غير مقدمات انتي جايلك عريس
ابوها افتكر كلام صاحبه كله وشكواه علي ابنه ... اذا كان ابوه مش عارف يتصرف معاه فهل بنته هتعرف
شهد نادت بابا
محسن بص لبنته وكشر وتراجع بقولك ايه اصرفي نظر ... قومي روحي اوضتك غيري هدومك روحي
شهد استغربت رد فعل باباها بابا في ايه مالك
شهد بصت لامها وخرجت مستغربة ابوها وتصرفاته
عايده بصت لجوزها وحطت ايدها علي ايده بحنية مقولتلهاش ليه
محسن بصلها بۏجع اقولها ايه بس هرميكي في الڼار لشاب فاسد ما يستاهلش ضفرك بنتي خسارة فيه
عايدة بحنية وتفاؤل مش يمكن ربنا يصلح حاله .. ده الواد من بيت كويس واصله كويس تلاقيه بس طيش شباب ويتجوز يعقل ويهدي ويبقي مفيش احسن منه وصاحبك هيكون اب ليها ومالهاش حمي تضايقها
عايده كشرت والله يا حج انت حر بقي !
شهد خرجت واخوها قابلها
شاكر بهزار مالك عامله كده ليه
شهد بتفكير ابوك قالي انه جايلي عريس ومرة واحدة طردني من عنده زي ما يكون غير رأيه
شاكر استغرب ومسك اخته من دراعها تعالي ندخله طيب تعالي
خبطوا ودخلوا الاتنين
شاكر بهزار وضحك عريس يا ابوي
ضحكوا الاتنين
شاكر قعد جنب أبوه بفضول ايه حكاية العريس ده يا حج خريج ايه
شهد اتدخلت وهزرت مع أخوها ملتحي بيلبس ايه حافظ قد ايه من المصحف
شاكر كمل عنها اعتمر يا بابا او حج قبل كده ايه يا حج انت ساكت ليه
محسن بص لعياله ولتربيته ولتفكيرهم وقارنهم بأمير اللي ابوه بيشتكي منه ومش عارف يتعامل معاه ! ازاي كان غبي وفتح الموضوع مع عياله اصلا ! هيقولهم ايه ! لازم يقفل الموضوع ده تماما
فاق علي صوت شاكر بيهزر روحت لفين يا حج
محسن بصله وبنرفزة هو انتو بتسكتوا علشان انا اتكلم
شاكر استغرب هو وشهد نرفزة ابوهم فاتكلم بهدوء طيب سكتنا اهو قول حضرتك يالا
محسن بصلهم وحاول يقفل
