الحلقه السابعه ديفشا

وساعتها الراجل ده يحس انه ملك لان ملكته بتاعته هو وبس محدش شاركه فيها ولو حتي بنظره .. هو متفرد بيها .. طبعا ده بغض النظر عن الحړام والحلال انا مرضيتش اكلمك بصيغه حرام وحلال
علا هو انا لبسي كده حرام 
شاكر ابتسم عايزه الحقيقه المجرده ولا المزوقه
علا المجرده يا ريت
شاكر مش هقولك غير جمله واحده الست المفروض ما يظهرش منها غير وشها وايديها وبس قيسي انتي بقي ظاهر منك ايه تاني
هنا محسن جه نادي علي شاكر پغضب نوعا ما
شاكر بص لعلا بأسف انا اسف هضطر اسيبك بعد اذنك
علا ابتسمت هنبقي نتكلم تاني 
شاكر اكيد
شاكر راح لابوه يسأله عايز ايه
محسن بيتكلم پغضب وبصوت واطي بقالك ساعة واقف مع البنت دي خير في ايه وواقف معاها كل ده ليه 
شاكر باستغراب من هجوم ابوه بالشكل ده عادي يا بابا بس كانت بتسألني كام سؤال مش اكتر
محسن پعنف تسألك بتاع ايه تعرفك منين أصلا
شاكر بدهشة دي صاحبة امير
محسن بتريقة كويس انك عارف انها صاحبه امير
شاكر ضم حواجبه مش فاهم ابوه ماله تقصد ايه 
محسن بيتكلم پغضب اقصد انها صاحبته وصاحبة غيره وغيره وغيره
شاكر هز دماغه مش فاهم برضه تقصد ايه 
محسن اتنهد وهز دماغه الجوازة دي من أولها غلط وربنا يستر ما تفتحش علينا أبواب جهنم وتضيع تعبي وتربيتي ليكم السنين اللي فاتت كلها
شاكر ابتسم لأبوه وحط ايده علي كتفه بابا انت مربينا كويس قوي سواء انا او شهد فما تخافش علينا .. بابا احنا اساسنا متين
محسن أخد نفس طويل بتمني ربنا يسترها عليك انت واختك
امير متابع شهد بعنيه في كل حركاتها .. ضحكتها .. ابتسامتها .. وبيبتسم لما تتقابل عنيهم وهيا بتبتسم بخجل وتبص للأرض لما يطول في نظرته ليها ..
أخيرا خلصوا والمفروض يمشوا
عايده فرحانة بكتب كتاب بنتها انتو هتخرجوا تتعشوا مع بعض 
امير هز كتفه وبصلهم معرفش شوفوا انتو هتعملوا ايه 
شاكر اتدخل ايه رأيكم كلنا كده نروح نتعشي بره ونحتفل بعرسانا الحلوين 
عايدة كشرت خلي العرسان لوحدهم يا شاكر نبقي نخرج نتعشي مع بعض وقت تاني
عدلي اتدخل بفرحة لا شاكر عنده حق احنا متجمعين نخرج كلنا نتعشي مع بعض وهما يبقوا يخرجوا في أي يوم تاني لوحدهم العمر قدامهم يالا بينا كلنا
خرجوا كلهم سهروا مع بعض واتعشوا وشاكر مش مدي أي فرصه لامير وشهد حتي يتكلموا كلمه علي جنب لوحدهم وامير علي الرغم انه مش فارق معاه بس اتخنق من تدخله بالمنظر ده بينهم .. قام امير يدخل الحمام وشاكر راح وراه
امير كان بيكلم في طارق وبيحكيله ان شاكر خنيق جدا وبعدها لمح شاكر داخل وراه فقفل
امير بتريقة وزعق للدرجه دي هتدخل الحمام معايا ولا ايه 
شاكر ضحك بخفة لا مش للدرجة
امير بتريقة ماهو ده اللي ناقص
شاكر بصله بتركيز انت ايه اللي مضايقك دلوقتي
امير اخد نفس طويل وبصله پخنقه حاسس انك اتب فوق ظهري امال انت اقترحت ليه نكتب الكتاب مش قلت علشان نبقى براحتنا فين راحتنا دي بقى ده انت ناقص تحط وشك في النص بينا
شاكر يذهول ومبسوط لضيق أمير واستغل جهل امير في كل امور الدين الظاهر انك فهمت غلط .. كتب الكتاب علشان تدخل بيتنا وتخرج او زي كده نخرج مع بعض مفيش حرمانيه لكن مش معناه ابدا انكم تبقوا لوحدكم .. انت مالكش أي حقوق نهائي غير لما تبقي في بيتك .. ساعتها خلاص بقت مسؤلة