الحلقه السابعه ديفشا

منك قبل كده بلحظه لأ
امير بزهق طيب ممكن بقي ادخل الحمام ولا ايه 
شاكر وسعله اتفضل
شاكر رجع للتربيزة وقعد جنب اخته
شهد بضيق عطيته الوصايا العشره 
شاكر بصلها باستغراب وبكل براءة انا انا !!ابدا
شهد مكشرة انت مش ملاحظ انك مزودها قوي معاه
شاكر بإبتسامة عريضة متهيألك حبيبة قلبي انا بس بفهمه أيه حدوده .. دي حملة اصلاح وهتاخد وقت وهتحتاجي لكل مساعدة
شهد اخدت نفس طويل بس انت كده مش بتساعد يا شاكر انت بس بتزهق
شاكر حط ايده علي كتفها بحب انا اخص عليكي يا شوشو
شهد بصتله بتمني يفهمها ماهو انت بټخنقه كده يا شاكر مش بتساعد ابدا
شاكر بصلها وقوي اخرج منها انا يعني ولا أقوم اروح يعني عايزه ايه بالظبط 
شهد برجاء بس ما تخنقوش مش اكتر ولا تقوم ولا تروح
امير رجع وكان شاكر قاعد مكانه جنب شهد وبما انه مش ناقص منهادة تاني بص حواليه وقعد بعيد عنهم تماما وطلع موبيله ماسكه بيبصله
شهد بصيق لأخوها عاجبك كده هاه 
شاكر رفع ايديه هو انا جيت جنبه ده بيتلكك
شهد بضيق مش قعدت مكانه !
شاكر بصلها مش هرد عليكي اصلا
السهرة خلصت وخرجوا كلهم يروحوا
محسن طيب يالا تصبحوا علي خير
عدلي طيب امير خد عروستك وروحها انت وانا هاخد تاكسي
محسن كشړ لا لا تاكسي ايه شهد هتروح معانا وامير هيروحك
عدلي باصرار شهد عريسها هيروحها وانا مالكوش دعوه بيا
شاكر اتدخل يا عمي ما يصحش ابدا اللي حضرتك بتقوله وبعدين مش لازم يعني شهد امير اللي يروحها ما هيا معانا عادي يعني 
عدلي كشړ انتو مش عايزينهم مع بعض ولا ايه مش بقت مراته ! ولا خايفين عليها ولا ايه بالظبط 
محسن لا يا عدلي عادي وفعلا هيا بقت مراته شرعا بس ما ينفعش تدور علي تاكسي اخر الليل كده
امير اخيرا نطق اوكي اوكي استنوا انا هروح شهد وحضرتك يا بابا اتفضل معايا مفيش أي مشكله انك تكون معانا أصلا .. ممكن بقي نتفضل من وقفة الشارع دي !!
محسن تمام يالا
عدلي اصر يركب وري وشهد كمان وبيتخانقوا مين فيهم يركب جنب امير وامير قاعد في العربيه هيولع منهم
امير نفخ بضيق وبعدين أي حد فيكم يركب وننجز ام الليله دي
عدلي فتح الباب لشهد وزقها جنب امير وهو ركب وري
عدلي وصلني يا امير علي البيت الأول يالا
وصله وراح يوصل شهد والاتنين ساكتين
شهد مش عارفة تقول ايه بس حساه مخڼوق شاكر ضايقك النهارده 
امير بدون اهتمام لا عادي .. هو اخوكي واكيد خاېف عليكي
شهد وضحت هو فعلا بېخاف عليا كتير .. هو انت يا امير مفتقد انك يكون عندك اخوات 
امير سكت تماما وكأن سؤالها اثار ماضي وذكريات هو في غنى عنها دلوقتي
شهد بصتله انا سألت سؤال ضايقك 
امير باقتضاب مبحبش أتكلم عن أي حاجه تخص العيله او الماضي
امير بصلها للحظة ورجع للطريق حتي معاكي !
أخيرا وصلها وطفى العربية وبصلها
واعلن وصلنا !!
شهد ابتسمت بحزن اهممم وصلنا .. امير انت ...
امير بصلها ومش فاهم هيا مالها او عايزة تقوله ايه انا ايه 
شهد اترددت مبسوط 
امير سكت كتير وبيلعب في دراكسيون عربيته عادي
شهد بحنية يعني ايه عادي 
امير فاهم انها عايزة توصله وهو حاليا مش مستعد يفتحلها قلبه .. لسه بدري
امير بسرعة الوقت اتأخر اطلعي علشان اخوكي ما يتضايقش
شهد فتحت الباب هتنزل وهو نزل معاها ينزلها ويوصلها لحد الباب وعلي الباب مدت ايدها تسلم عليه قبل ما يمشي فابتسم وسلم عليها
امير بابتسامة