الحلقه التاسعه ديفشا
عياط علا على كتفه !
عمرو بزهق وبعدين معاكي هتفضلي ټعيطي كده كتير .
علا بعياط لو متضايق مني امشي .
عمرو حاول يبتسم لا طبعا انا بس مش عايزك ټعيطي .
علا مسحت دموعها هسكت دلوقتي هسكت بس سيبني اطلع اللي جوايا وخليك جنبي .. ينفع تخليك جنبي
عمرو ضمھا وفضل ساكت ينفع .
نامت على كتفه وهو شوية من تعبه نام هو كمان بعد ما الليلة كلها اتقضت عياط وبس .. تخيل انه هيعيش معاها ليلة وهم مش هتقعد ټعيط وبس وبعدها تنام !
لقاها نايمة في الأرض على سجادتها فضل كتير واقف فوقها وقعد جنبها وشاف اثر الدموع على وشها ومد ايده يمسح وشها بس اتراجع وقام بعيد عنها تماما وخبط على الباب يصحيها فاتعدلت وبصت حواليها تفتكر هيا فين وشافته وافتكرت كل حاجة في لحظه وافتكرت عياطها طول الليل ورجعلها الالم والۏجع من تاني وبصتله
سابها وخرج وشوية وهيا خرجت بكامل لبسها بصلها ومعلقش .. قعدت قصاده يفطروا في صمت وكل واحد بياكل بالعافية لان الاكل ما بيتبلعش ابدا
امير بصلها ناوية على ايه انا عايز امشي من هنا .
شهد باستغراب او ببلاهة مش عارفة تتخطاها تمشي تروح فين
امير كشړ اروح .. مبحبش الفنادق .
امير بتكشيرة ماشي يالا وانتي هتروحي فين
شهد بصت للأرض انا مقدرش ارجع بيت ابويا دلوقتي .. الناس هتفهم رجعتي غلط .
امير اتريق بجد كنت فاكر ان المتدينين ما بيتفهموش غلط
شهد بتريقة ليه ما بنغلطش
امير بسخرية منها كنت فاكر لأ بس طلعت غلطان بدليل غباءك انتي .
شهد بابتسامة مصطنعة اه عندك حق طلعت غبية .. بس انا ما بستسلمش بسهولة .
شهد باصرار بالنسبالك انت حوار فكسان بالنسبالي انا هدف حياة .
امير قلبه دق معقولة يكون هو وحبه هدف لحياتها ولا قصدها إصلاحه هدف حياتها تفرق كتير قوي يا شهد!! بس لو يقدر يدخل عقلها
عدلي بص لشهد وسألها باستغراب هو ماله مالكم انتو زعلانين
شهد ابتسمت لا مش زعلانين ..
مشيت كام خطوه ووقفت ليه أجبرت امير يتجوزني
قررت تواجه عمها وتفهم منه بالظبط عمل كده ليه واتفقوا على ايه ولا امير بس بيقولها كده علشان يوجعها مش اكتر !
شهد ابتسامتها مستمرة الحقيقة .. اتجوزني علشان الوصية .
عدلي سكت ومعرفش يقول ايه
سكوت عدلي اثبت لشهد ان في فعلا اتفاق بينهم ودموعها لمعت وبصتله بۏجع للدرجة دي حضرتك اناني .. يعني علشان خاطر ابنك تدمر حياتي انا ! انا عملت لحضرتك ايه كنت بعتبرك زي بابا ويمكن اكتر .
عدلي قوي عليها بسرعة ومسكها من اكتفاها وانا والله بحبك زي امير واكتر .
شهد حاولت تداري دموعها وۏجعها لو بتحبني مكنتش ترضالي الذل ده .
عدلي وجعه قوي عياطها ووجعه اكتر ان ابنه ما يقدرش الجوهرة اللي اتجوزها بصلها وأكد عليها انتي هنا معززة مكرمة .. ذل ايه امير بيحبك ولو ما بيحبكيش مكنش اتجوزك ولا انا ولا الف مني كانوا يجبروه على الخطوة دي هو محتاجلك وعلشان كده بس اتجوزك .
شهد امل جواها انتعش بس مش عايزة تعيش في وهم تاني وتصحى منه مکسورة من تاني فبصت لعدلي برفض لكلامه انت بتضحك عليا ولا على نفسك
عدلي بحماس هيتجوزك ليه علشان الوصية امير عمر الفلوس ما كانت اهتماماته عمرها .. امير تهمه حاجات تانية ولو لقاها هيبيع الدنيا باللي فيها بس للأسف انا فشلت اقدمهالو فيمكن انتي تقدري .
شهد بصتله بفقدان امل وعدم تصديق او رفض للأمل من تاني انت فعلا بتضحك على نفسك .. لو انت حرمته من كل حاجة هيبقى في الشارع
