الحلقه التاسعه ديفشا
وده وضع مش هيستحمله واحد زيه وعلشان كده بس اتجوزني .
عدلي بصلها في عنيها وكلمها بكل ثقة هو ضحك عليكي وقالك كده مين ده اللي يبقى في الشارع امير
شهد بحزن اه .. تقدر تقولي هيعمل ايه لو انت حرمته من فلوسك هيعيش منين
عدلي هز دماغه برفض ووضحلها امير خريج جامعة من اكبر الجامعات واللي ما تعرفيهوش انه اتعين في الجامعة دي كمعيد لانه كان متفوق جدا وممكن بسهولة في أي وقت يسافر ويكمل هناك واعتقد اني مش محتاج اقولك راتبه هيبقى ايه هناك ..
عدلي بحب وتمني انها تصدقه حاجة واحدة ان لو امير مكنش عايز يتجوزك مكنتش انا هجبره... امير محتاجلك حتى لو ما اعترفش بده .. اوعي تكوني مفكرة ان مهمتك هنا هتبقى سهلة وانك هتقدري توصلي لقلبه بسهولة !! اذا كان انا ابوه ومقدرتش فاكيد مهمتك مش هتكون سهلة ابدا ومحتاجة لحد قوي وانا عارف انك كده فاوعي تتخلي عنه او تفقدي الامل فيه .. امير بعد ما رفض ارتباطه بيكي هو اللي جالي من نفسه وقالي انه عايز يتجوزك وده لسبب بسيط قوي انه محتاجك في حياته ومحتاج لايمانك ولقيمك ومبادئك فما تبخليش عليه بيهم ..
امير بصلها بتريقة هاه عطاكي الوصايا العشرة وازاي تفضلي جنبي وتحبيني وان انا مع الوقت هتغير قالك اني محتاجك حتى لو انا نفسي مش عارف ده ! بس ارجوكي اوعي تكوني صدقتيه !
امير لاحظ ۏجعها ده واتمنى لو يروح يضمها ويقولها حقك على قلبي بس مقدرش .. في حاجز عالي قوي بينهم .. حاجز هو مش قادر يتخطاه .. حاجز بيوجعه هو اكتر ما بيوجعها هيا .. شهد للاسف ملهاش مكان في حياته ولازم يفوقها ويخليها ترجع لعقلها قبل ما ټندم
شهد بصتله بۏجع وانت وعودك ايه
امير بصلها مباشرة انا بصدق في وعودي وبوعدك انك عمرك ما هتكوني سبب في تغيري.. وعدتك بحاجة تانية وناسي ولا انتي اللي وعدتي نفسك بوعود فارغة انا مش فاكر اني وعدتك بحاجة وخليت بيها .
قعدت بعيد عنه وهو يدوب هينام تليفونه رن وهو وشهد بصوا لبعض
امير بص لتليفونه ابوكي .
شهد رد عليه .
امير رد وسلم وبعدها بص لشهد وعطاها التليفون وهيا اخدت كام نفس طويل وطلعتهم على مراحل وبتحاول تتماسك وتظهر طبيعية ورسمت ابتسامة وردت وهو استغرب منها
فضلت تكلمهم وتحاول تضحك بس هو نفسه ما اقنعتوش بضحكها وحس انها مخبية دموع ورى ضحكاتها دي فما بالك بامها وابوها ومش عارف ليه اتوجع قوي من محاولاتها دي !! بصلها كتير وندم انه جرحها كده ..
عايدة بزعل طبعا في حاجة مضيقاها ومخلياها معيطة صوتها كانها بتحاول تمنع نفسها من العياط .
محسن بأسف ولوم لنفسه حاجة وانتي مش عارفة الحاجة دي ايه اكيد سي امير .. تلاقيه نكد عليها .. انا مش عارف ازاي وافقتها انا هروحلها .
قام وقف عايز يروحلها بس مراته وقفته
اقعد هنا واياك تدخل بينهم .. هيا اخدت قرارها وراحت بيت جوزها سيبها تمشي امورها زي ما يعجبها وما تدخلش الا اذا هيا طلبت مساعدتك .. هيا كانت عارفة هيا داخلة على ايه
محسن قعد مكانه وبص لمراته بلوم والله مفيش غيرك هيغرقها بتشجيعك ليها ده .
عايدة بثقة في ربنا وفي بنتها وفي احساسها هيا
