الحلقه التاسعه ديفشا

بنتي قوية وهتقدر تعدي بمركبها لبر الأمان .. محسن احنا مربينها صح ما تخافش عليها .
محسن بعدم اقتناع ربنا يسعدها ويقف جبنها ويقويها على ما ابتلاها .
عايدة ابتسمت بكرة هتشوف امير ده هيعاملها ازاي وهتشوفها في قمة سعادتها معاه هتشوف .. انا عندي يقين بده .
محسن يا رب .. يارب يخيب ظني .
طارق صحي الصبح مصدع والدنيا كلها بتخبط وترزع في دماغه بص حواليه بتوهان مش فاكر هو فين اصلا هو في اوضته كويس بص جنبه ولقي واحدة جنبه مش عارف هيا مين فرفع شعرها من على وشها واتفاجىء اول ما لقاها دينا اتنفض من جنبها بسرعة مخضوض وباصصلها باستغراب ومش مصدق انها جنبه وشد غطا بسرعة حطه عليه
دينا صحيت مبتسمة صباح الخير حبيبي ..
طارق مڤزوع انتي جيتي هنا ازاي ايه اللي حصل بينا
دينا ابتسمت في ايه يا طارق مالك 
طارق زعق دينا انا وانتي أصحاب انا عمري ما فكرت فيكي كده 
دينا اتعدلت بسرعة وشدت الغطا عليها هيا كمان نعم بعد ايه انا سلمتك نفسي يا طارق 
طارق هز دماغه برفض وزعق بعلو صوته سلمتي نفسك لواحد سکړان مش ليا انا لا يمكن المسک .. انتي ازاي عملتي 
دينا دموعها نزلت بسرعة وبصتله پخوف يعني ايه انت هتتخلى عني 
طارق شتم في سره ومش عارف يعمل ايه في المصېبة دي ! وتخيل رد فعل ابوه لو عرف حاجة زي دي ! ده ممكن يطرده من البيت كله ! بصلها ومش عارف يقولها ايه وساكت
دينا بعياط وصوت مهزوز طارق ! هتتخلى عني 
طارق بصلها بقلق أتخلى ايه وزفت ايه ما تعيطيش بس .
دينا بعياط اوعى يا طارق .
طارق بيحاول يطمنها ما تخافيش .. بس للأسف انا مش فاكر أي حاجة .. عملنا ايه امبارح بقى انا وانتي .
دينا مسحت دموعها كنت طارق مختلف .. انا بحبك يا طارق وده السبب الوحيد اللي خلاني اسلم نفسي ليك .
استغباها طارق لان ده مش سبب ابدا ان واحدة تسلم نفسها لواحد .. ده غباء مش اكتر بس بما انه لمسها وهو مش فاكر فلازم يفتكر يعني مش هيلبس مصېبة على حاجة مش فاكراها .. بصلها وشال شعرها من على وشها ورسم ابتسامة طيب ما توريني عملنا ايه امبارح .. حبيبك مش فاكر فكريه .. وريه ازاي بتحبيه !
فقامت بسرعة من جنبه مستغبية نفسها ! ازاي عمرو معاها ! وليه هو هنا في اوضتها !
عمرو صحي اتفزع وقام مخضوض على خضتها وبصلها في ايه مالك 
علا بخضة مفيش .. بعد اذنك .
دخلت الحمام وقفلت على نفسها ازاي وافقت ان عمرو يجي معاها البيت ! هيا للدرجة دي رخيصة كده .. اي واحد والسلام ! امير وبعدها شاكر وبعدها عمرو ! هو كل ما واحد يرفضها هتروح ترمي نفسها واحد غيرو ! ده ايه قلة الكرامة دي ! ليه هيا بالاخلاق دي ! ليه مش زي شهد اللي قالتلها انا ملكة وهكون ملك لراجل واحد بس ! عيطت و
وافتكرت كلام شاكر في دماغها .. هو ليه مختلف كده افتكرت كلام امير عنهم وبيقول ان ليهم هيبة مش عارف مصدرها هو ده بقى قصده 
هيا مش عارفة ليه حاسة ان شاكر مختلف وليه بتفكر في شاكر مش في امير ولما هيا بتفكر في شاكر وامير ايه اللي جاب عمرو بره ! غبية ! غبية انتي يا علا وفي قمة الغباء كمان ..
لبست وخرجت كان عمرو مستنيها
عمرو بصلها رايحة فين 
علا بصرامة وتكشيرة اعتقد ان ده شيء ما يخصكش .. شوف يا عمرو انا متشكرة لوقفتك جنبي ليلة امبارح بس انا وانت ... مش راكبين .. انت اخ او صديق لكن حبيب !!! ما اعتقدش .
سابته وخرجت وهو وراها زعق امال امير اللي ينفع ماهو رماكي اهو وبص لغيرك شايفة فيه ايه
علا بصتله پعنف وتحذير عمرو انا ما اسمحلكش .
عمرو زعق تسمحي ولا ما تسمحيش .. عمالة ترمي نفسك عليه وهو مش معبرك وجاية معايا