الحلقه الرابعه عشر ديفشا

ضحكت بۏجع قطع قلب ابوها وانت متخيل ان ماما عندها حضڼ تضمني بيه ! او هيا كانت موجودة اصلا .. انا عشت لوحدي يا بابا .
عيطت بصوتها كله وبانهيار وابوها ضمھا ودموعه نزلت لو بس يعرف .. لو فضل على اتصال بيها كان عرف .. كان لازم ياخدها معاه ! ازاي تخيل ان جيهان اللي فشلت تكون زوجة هتعرف تكون ام ! ازاي غلط الغلطة الكبيرة دي في حق أغلى ما يملك في الكون كله .. ياه لو الزمن يرجع مكنش سابها لحظة واحدة وكان اخدها هو في حضنه ..
اتكلم بۏجع اسف سامحيني بس تخيلت اني بعمل الافضل ليكي المهم دلوقتي انتي بټعيطي ليه بالشكل ده 
علا باڼهيار لاني ضايعة يا بابا .. ضايعة ومش عارفة اعمل ايه ! حاسة اني واقفة في وسط محيط ومقداميش غير اني ارمي نفسي في المية وانهي حياتي وبس !
عبد الرحمن بۏجع مسح دموعها انا اهو امسكي في ايدي هطلعك يا علا لبر الامان .. مش هسيبك تاني .. مش هسيبك يا حبيبتي تاني .. مش هسيبك .
عيطت كتير في حضڼ ابوها و حكت لباباها كل حاجة عن شاكر
عند شاكر
شاكر بقى معظم الوقت مش متواجد في البيت وبيهرب من الكل وحتى اخته مش عارف يتكلم معاها ولا عارف يقولها ايه !! وفي مرة كان خارج من البيت بس أبوه وقفه استنى هنا قبل ما تخرج .
شاكر وقف وبدون ما يبص ناحية ابوه خير اتفضل حضرتك .. محتاج مني حاجة 
محسن بلوم وبعدين معاك 
شاكر مش عايز يتكلم ولا قادر يتكلم حضرتك محتاج حاجة وانا مقصر فيها 
محسن راح وقف قصاد ابنه من جهة مقصر فأنت مقصر في كتير قوي . والدتك مش بتسأل عليها اختك مش مهتم بحالتها انت مش موجود اصلا معانا .
شاكر عارف الكلام ده بس حاليا هو وجعه مسيطر عليه ومش هيكون معين لحد فالأفضل يبعد يلملم نفسه الاول انا اسف بس حاليا انا محتاج افضل لوحدي .
محسن مسك دراعه وقفه وبحنية اب انت ازاي عملت في نفسك كده 
شاكر سحب ايده براحة وعايز يهرب من ابوه مش عارف بس لازم يحاول فبصله ارجوك اذا سمحت مالوش لازمة الكلام .
محسن عايز يخرج ابنه من الحالة دي مش هيفضل يتفرج عليه كتير فعلا مالوش لازمة .. ادخل لاختك واتكلم معاها على الاقل اقنعها تخرج وترجع شغلها يمكن ده يساعدها .
شاكر مقدرش يسكت ولازم يرد فبص لابوه واتكلم بتهكم اساعدها في ايه انها تنسى انها اتجوزت ده شغلها مع ابوه ! قال تنسى قال ! هو بالسهولة دي حضرتك متوقع ! ولا زرار بندوس عليه مثلا 
محسن عارف انه بيتكلم عن نفسه لا مش سهل ولا مش زرار بس على الاقل الواحد يجتهد ويحاول طالما غلط يتحمل نتيجة غلطه .
شاكر بص لابوه غلط طيب مين بيحدد الصح والغلط حضرتك !
محسن زعق ربنا اللي بيحدد وربنا اللي شرعلنا منهج ودين نتبعه ونمشي عليه ورسولنا عليه افضل الصلاة واتم التسليم الي قال اجتنبوا مواطن الشبهات .
شاكر زعق هو كمان ومقدرش يمسك لسانه اكتر من كده ولام ابوه مباشرة ولما رسولنا صلى الله عليه وسلم قال اجتنبوا مواطن الشبهات ما اجتنبتهاش ليه بعد ما ډخلتنا وسطها وغرقتنا جاي تقول اجتنبوا ! بعد ايه للاسف فوقتك جت متأخرة قوي .
محسن رافض يصدق انه خلاص بس فوقت فاضل انتو تفوقوا .
شاكر ضحك بۏجع وبص لابوه بمنتهى الألم والله بعد ما تعمقنا ودخلنا وجهة نظرنا اتغيرت فللاسف اللي حضرتك شايفو غلط احنا شايفينه منتهى الصح ..
محسن مش عارف يفهم عياله ! معدش فاهمهم فعلا بيفكروا ازاي ! فبص لابنه بحيرة وايه هو الصح 
شاكر بمنتهى الثقة الصح ان شهد اتجوزت امير يبقى تكمل معاه وتاخد بايده واحدة واحدة مش تطلقها بالمنظر ده . انت ظلمتها قوي مرة يوم ما قولتلها على جوازها من امير والمرة الثانية لما جبرته يطلقها .
محسن بيهز دماغه برفض وبص لابنه وايه كمان ! سيادتك تتجوز علا !! ويشاركك فيها مليون واحد وعادي ماهو انا