الحلقه السابعه عشر ديفشا

في حاجة حصلت ومحدش قاله
ركب عربيته وطلع زي الصاروخ على صيدلية شاكر وحمد ربنا لما لقاها مفتوحة دخل بسرعة وشاكر اول ما شافه وقف
امير دخل پعنف شهد فين 
شاكر اخد نفس طويل لانه كان منتظره يظهر واخيرا اهو ظهر اهدى وادخل نتكلم الزباين بتتفرج .
أمير زعق مش ههدي ولا عايز اتكلم شهد فين وبس جاوبني 
شاكر بهدوء نرفز امير هيا تعبانة شوية .
أمير هيتجنن ان افكاره طلعت صح هيا تعبانة ومحدش فيهم قاله ! الغيظ والڠضب سيطروا عليه وعايز لو ينفجر فيهم كلهم ! مش من حق اي حد فيهم يبعده عن مراته بالشكل ده ويخبوا عنه كده .. بص لشاكر بتوعد وټهديد شاكر .... انا بقولك هيا فين مراتي فين 
شاكر اخد نفس طويل وحط نفسه مكانه وهنا قرر انه لاول مرة يخالف كلام ابوه منظر اخته التعبانة ودموعها اللي ديما على خدها عرفه انه لازم يتصرف ولازم يكون له دور زي ما سبق وضايقهم دلوقتي جه دوره بص لامير شهد في المستشفى .
أمير سكت تماما وبيتنفس بس واخيرا اتحرك من غير ولا كلمة بس شاكر طلع وراه جري ومسكه قبل ما يركب عربيته
أمير شد دراعه پعنف من ايد شاكر وبصله وزعق اوعى تتخيل انك مهما تقول هتقنعني ما اروحلهاش 
شاكر هز دماغه لا يا امير شهد محتاجاك جدا جنبها .. مش ده اللي هقولهولك انا هقولك حاجة تانية خالص .
أمير بضيق ونفاذ صبر انجز .....
شاكر شهد مراتك .
أمير اتريق جبت التايهة انت !سلام .
شاكر مسكه يحاول يفهمه قصده قبل ما يتحرك من قدامه يا عم اوقف بس .. انت طلقت شهد تحت ضغط من بابا فأولا الطلاق مشكوك في امره وحتى لو صح عدة الحامل بتنتهي بولادتها وطول فترة الحمل جوزها يردها بسهولة فانت بكلمة تقدر ترد شهد تاني فعلشان كده بقولك شهد مراتك .. شرعا يا امير انت في مركز قوة .. فهمت شهد مراتك وزي ما طلقتها بكلمة تقدر برضه تردها بكلمة .
أمير بصله كتير واستغرب ليه شاكر غير موقفه كده ! افتكر كل مرة يقف قصاد شهد وما يسيبهاش الا لما تقوله انها مش بتحبه ليه المره دي عايز يجمعهم مش وقت التفكير ده ! لا وقته لازم يسأله ! بصله قبل ما يركب ليه قولتلي انت ديما ضدي من اول لحظة دخلت فيها بيتكم وانت اعلنت العداء بينا !
شاكر اتنهد وبص لأمير بندم ومش عارف يقوله ايه كنت غلطان ... كنت غبي ... او ممكن كنت غيران من العيل الصغير اللي دخل بيتنا واخد اهتمام ابويا وامي واخد مكاني .. دخولك البيت وانت عيل صغير خلاني انا على الرف يا امير .. يمكن اكون خۏفت اتركن تاني على الرف بوجودك .
أمير باستغراب وذهول تام غيران مني !! مني انا يا شاكر ده انا كانت امي مېتة واللي ابوك وامك عملوه كان مجرد عطف وشفقة على عيل يتيم مش اكتر .
شاكر بصله وابتسم بحزن كنت عيل صغير وماشفتوش كده .. ودلوقتي انت كبرت ورجعت خريج جامعة من اكبر الجامعات وجاي تاخد اختي كمان مني .. فالغيرة رجعت تاني والخۏف رجع تاني
امير مش عارف يقوله ايه بس ده اخر كلام كان متوقع انه ممكن يسمعه من شاكر اللي عايش وسط اب وام بيحبوه .. بصله باستنكار وايه اللي اتغير دلوقتي 
شاكر اخد نفس طويل كتير قوي