القريه بقلم عبد الرحمن محمد

لما جالي جواب التعيين مكنتش سعيد اني هكون بعيد عن مدينتي واهلي وأصحابي بس مكنش في حل قدامي غير اني أوافق وأتعينت في مدرسة اسمها الإخلاص الموجودة في قرية بعيدة عن المدينة وعن باقي القري تقريبا لما وصلت القرية اكتشفت حاجات غريبة منها ان مفيش أي وسيلة تواصل للعالم الخارجي يعني القرية معزولة تماما عن باقي القرى والمدن مفيش انترنت ولا شبكة في الموبايل 

اول ليلة داخل القرية
اكتشفت ان مفيش حد بيتكلم مع حد هنا نظرات الناس ليا غريبة يمكن عشان لبسي مختلف عنهم بيلبسوا لبس غريب وتقريبا كلهم نفس اللبس مفيش ستات في الشوارع رجالة فقط كان في استقبالي شخص اسمه سعيد من سكان القرية وشغال تبع الإدارة وبيساعدني عشان اتأقلم هنا في القرية بدأ يشرحلي حاجات كتير عن القرية وان حصل خناقات كبيرة وكوارث من عشرات السنين عشان القرية تنعزل بالشكل دا عن العالم الخارجي عشان كدا مش بيحبوا وجود أي شخص غريب عنهم حاولت أكلم الإدارة أطلب رفض تعيني بس للأسف مفيش أي شبكة او نت هنا مفيش حل غير اني أنام الليلة في البيت الصغير المخصص للمدرسين لحد الصبح وأحاول أشوف أي حاجة ترجعني المدينة 
في نفس الليلة دي حصل شيء غريب كنت حاسس بحد بيتحرك في البيت الأضواء هنا مش أحسن حاجة شغلت كشاف تليفوني وبدأت أتجول في البيت صوت الحركة مش بعيد الصوت جاي من الحمام قربت أكتر من الحمام عشان أسلط الضوء أكتر وأكتشف وجود قط أسود ضخم في الحمام! ثواني وانا واقف ثابت خاېف أتحرك لأني عندي فوبيا من القطط مابالك قط اسود حجمه غريب وسط الظلام! لمعان عينيه مرعب خاېف أتحرك بحاول أخد أنفاسي بصعوبة بحاول أدوس على مفتاح اللمبة تشتغل غمضت عيني بدأت أقرأ آيات قرآنية ونجحت في فتح اللمبة عشان أكتشف ان الحمام فاضي انا متأكد اني شوفت قط هنا!
الليلة دي معرفتش أنام فيها نهائي في الصباح حاولت أشوف أي شيء يرجعني المدينة بس للأسف لسوء حظي مفيش غير أتوبيس واحد بيجي كل أسبوع الساعة 9 الصبح يوم الجمعة يعني انا هستنى اسبوع كامل هنا في القرية دي! للأسف مفيش شيء تاني قدامي غير الانتظار 
اتجهت للمدرسة أكشتفت شيء أغرب من ليلة أمبارح الطلاب بالكامل فاقدين النطق محدش فيهم بيتكلم! انا مش عارف هقدر أشرح ازاي بس الغريب انهم بيسمعوني وفاهمين كلامي!
خلصت اليوم الدراسي بعد تعب واراهاق شديد وكان في انتظاري سعيد اللي أخدني وقالي انه هيعزمني على قهوة وندردش مش عارف تقريبا دي القهوة الوحيدة الموجودة هنا بس المنظر جميل سألت سعيد
انا من وقت دخولي القرية دي من امبارح وانا مش مرتاح والأطفال النهاردة أكتشفت ان كلهم