القريه بقلم عبد الرحمن محمد
خرس ومفيش حد بيتكلم مع انهم سامعين ازاي
عايزك تفهم حاجه يا أحمد في أسرار مينفعش حد يعرفها لانها بتكون سبب في اڼهيار حياته انا كنت زيك ولما أكتشفت السبب كنت عاوز أهرب بس اتحبست هنا مينفعش أطلع برا القرية دي لأن حياتي كلها أتعلقت هنا
رجعت البيت ولسه الفضول مستمر جوايا القرية هنا غريبة الليل هنا بيكون طويل جدا الشمس مش بتظهر والجو كئيب الناس مبتحبش بعض وشوشهم كلها ڠضب انا متأكد ان في شيء غريب حصل هنا فضلت في البيت وللمرة التانية سمعت صوت حد بيتحرك بس المرة دي الصوت كان قريب مني الصوت جاي من الدولاب! الصوت بيزيد وكأن في معركة داخل الدولاب الخشبي الصغير اللي بيتهز جامد قربت من الدولاب مسكت المبقض بأيدي المرتعشة خاېف أفتح الدولاب اخدت نفس وفتحته ببطء عشان أشوف القط الأسود الضخم مرة تانية بس المرة دي مكنش لوحده! وبيبصلي بنظرات كلها ڠضب! وقتها حسيت برعشة قوية في جسمي بحاول أرجع بخطوات للخلف عشان أخبط في شيء وأقع على الأرض راسي تتخبط بقوة وفقدت الوعي
انا عايز أقولك حاجة بس لازم تعرف انها سر
قول يا سعيد سامعك
القرية دي ملعۏنة انت لازم تمشي منها لازم متبقاش زي!
القرية دي الشيطان هو اللي بيتحكم فيها الناس اللي حوالينا دول كلهم مجرد عرايس بيحركها الشيطان الليلة هي ليلة العهد وفي طقوس غريبة هتحصل لازم متخرجش من بيتك انا عارف ايه اللي بيحصلك في بيتك وسر القط الأسود بس صدقني دا أهون بكتير من انك تخرج من بيتك اياك تخرج يا احمد ولما ترجع المدينة بالسلامة ان شاء الله عايزك تروح للعنوان دا وتدي الورقة دي لأمي وحاول تطمنها عليا عشان خاطري يا أحمد متنساش
اسمع كلامي وبس
بصيتله وسكت شوية ورجعت البيت وانا مش فاهم أي حاجة احتفظت بالورقة في جيبي وفضلت قاعد بفكر الليل ليل بسرعة كالعادة لأول مرة من وقت دخولي القرية وانا مش شايف حد في الشوارع الكل في البيوت حتى الرجالة لون السماء كان غريب لونها أحمر! ضوء القمر احمر بدأت تمطر والمطر يزيد المطر كان غريب مكنش مطر طبيعي المطر عامل زي الطين بيغرق الشوارع والبيوت أصوات صړاخ كتير بتعلو في كل البيوت وانا واقف في الشباك خاېف
