الجميع بين نارين

دارتها بلعاني وراحت ترقد هاا جات عجوزتي لقاتنا نهدرو كي شافتني قاټلي فوتي لبيتي وتكسلي ماتقعديش طالعة ومهودة فداك درج روحت نجري حطيت راسي غير حطيته رقدت وستحليت رقدة لاول مرة مكانش لي ينوضني ولا يخبط عليا الباب حتى فطنت وحدي لقيتهم يتقهوو كانو يهدرو علياا انا وداك زبل كي شافوني بدلو لموضوع قعدت معاهم وسكت واش عندي نقول اصلن ماعيط ما سقسى ماخمم على لي في كرشي واش ندير بيه وعلاه نخمم فيه اصلن انا لي سمعت هداير ومعاير وما هو راه هاني وين ما راه كملو مقصرين من بعد شورو غسلت ماعين قهوة حتى سمعت العياط طليت لقيتها مرت عبد القادر متحاكمة مع ياسمين بغيت نروح ورجعت خفت اصلن راهي تسالهالي وعلى حساب ما سمعت ياسمين كانت تهدر فتلفون وباعتها مرت عبد القادر مابغيتش ندخل روحي قعدت واقفة بعيد بدات بلعياط وكملت بضړب وقاع دارو على ياسمين وخوها قټلها بلضرب هي في عمرها 19سنة غاضتني مسكينة ورجعت كيفي لا دخلة لا خرجة ولت مشتاقة طل غير من تاقة مسكينة 
وهاكا فاتو ليام وشهوو حتى جا نهار ولااادتي كنت راقدة مع عجوزتي هذا شهر تالي قااع ني نرقد معاها هي قاټلي نخاف يحكمك لۏجع ومكانش لي يجيب خبرك وصح ديك ليلة كنت عاااادي حتى حكمني ۏجع قيس 4تاع صباح مت وحيييت ۏجع مشي نورمال حكمني رواحي نتي وحكميني كي وليت ندير لبستني ودانا محمد لسبيطار حسيت بحاجة طاحت مني كي الما شفت في عجوزتي ونبكي من ۏجع وحسبت روحي بولت على روحي حتى ناضت ټعيط وقاتلهم طفلة غادي تولد ما جيت نولد حتى عمري خرجت تغاشيت مرتين بداو يضربو فياا بلكفوف باه نفطن عجوزتي حاڨرتني ومشربتني المرار وتضربني بصح لقيتها اليومحلقة 8
و دروك نرجعو ل اول حلقة وين حبسنا 
حسيت بوحد ذل من كلاام يماا غير ربي عالم بيا ديك دقيقة كانت تهدر بفمها ولت تهدر بيديها رفدتلي سوالح ولدي ورجعت تخبط فيهم وتقول ايا عليااا خرجو ايااا علياا ماتقعديلي لا نتي لا هو دروك ولدهم هرب وخلاااك هما يتحملو مسؤولية ... مااامااا.. بلعي فمك ما تقوليليش ماما خرجي علياااا.. نطقت عجوزتي... قااع دي لهدرة ومزالك حابة تقعدي عندها ربي يسهل عليك مهيم ولد ولدي نديه ونتي بينك بين مك نعطيك ربع ساعة نستناك عند الباب بغيتي تجي مرحبااا ما بغيتيش ماعندي ما نديرلك بصح باااه هذا طفل يزيد يرجع هناا ويتعاير بكلمة ولد حرام وشافت في يما خزرت فيها ودات طفل وخرجت... وتقولو ماما سكتت كنت معا ماما رجعت مع مرت خوياا لي جاتني موقفة هيا لحقي عجوزتك وحكمي دارك خلينيا حاملين غير ختك وكشفتها لي مسكنة معانا راجلها بزااف الخير هنا كبرت بين ختي ومرت خوياا وتحاكمو بلهدرة يما جاتني من ذراعي نشفالها كيما دروك هذا اكثر جزء نحكي فيه ونبكي حكمتني من ذراعي ووقفتني مزيرة علياا وليت نبكي من الحقرة كثر من ۏجع لي كنت نحس بيه حاكمتني من ذراعي تزير وفي نفس الوقت تقرص فيااا... هذاااا ما بغيتيلي جيتيني بهمك نوضتيلي زڨا والعياط فداري شوفي غير خرجي عليااا تزيدي شويا والله ننسى بلي راكي نافسة اقسم بالله من شعر ونهود بداتها حاكمتني من ذراعي وتقرص وكملتها بخبطة لظهر بيدها جاتني وحد لحالة وليت غير نعيط ونضرب في روحي جات ختي تسكت فيااا هااا دخل بابا