الجميع بين نارين

ما فاهم والو من كلاامي لي كنت نقول فيه ونبكي فهم بلي طردتني عيط عليها وعايرها بصح ما قاليش قعدي وراكي في دار بوك ما قاليش ني هنا ومكانش لي يأذيك وماقاليش ني هنا وانا نجيبلك حقك سمعها زوج كلمات وعيط شوية وخرج قبل لا تقول كلمة وتجيني قلت لختي تلملي سوالحي وقلت لبنت خوياا تخرج تشوف عجوزتي لا مزالها هنا واذا لقيتيها قولها تستناني ختي تلم معايا وتبكي يومين لي قعدتهم فدارنا ذاالين ختي وراجلها لوحد درجة انا غاضوني وهو مسكين واقيلة كاس تاع الما ما يشربهش هنا واكثرية يصرف غير هو مالغري حالة مادية تاعنا والله لا لباس بينا حمدالله عاونتني ختي بسيف نوقف رفدتلي سوالحي كي شافني محمد نزل مسكين وجا حكم عليا فاليزتي ډخلها فلوطو وجا يهود فيا درج عندنا 5 درجات عند الباب تاعنا عجوزتي ما قاتليش كلمة قعدت تلعب مع طفل وما انا حطيت راسي ما رفدتهش حد الخير شهدت على ذل لي راني فيه في دارنا بعينيها نحشم روحي كون نزيد نجبد كلمة دارنا قدامهم
وصلنا لدار نزل محمد هو لول نزل فاليزتي وفتح الباب زادت نزلت عجوزتي وعيطت لمحمد مدتله طفل قاتله ډخله وهي جات عاونتني ننزل قوتلكم قبل عجوزتي مرة حنينة مرة ڼار دخلنا للباب جات جميلة تجري وياسمين طلقتها بزغريتا جميلة جات سلمت علياا وياسمين طارت على طفل دابزت عليه هي ومحمد نطقت عجوزتي.. جميلة عاونيها ودخليها في بيتي.. يااا علاه ماني خلينا نفرشولها فصالة خير تلقى راحتها... علاه كاين ڼار ولا شوك في بيتي باه ما تلقاش راحتها ديري كيما قوتلك ديها خليها ترقد تريح شوية عينيها راهم مغمضين يومين في دارهم رجعت كي المطرق ... جميلة سكتت ما زادتش معاها بكلمة وما انا فضلت نسكت خير عاونتني تمشيت معاها فت لبيت العجوز بعدتلي غطى وتكسلت سقمتلي لمخدة سقستني لا كاش ما خصني ولاا كي شافتني مغمضة غطتني و راحت وما انا تقولو كنت نستنى فيها تخرج ما جات تبلع موراها الباب كنت انا فنوم سابع في دارنا كنت كي تديني عيني ونبغي نرقد ينخبط علياا الباب ولا يجي كاش واحد يعيط عند راسي مهيم تصرا حاجة ما تخلينيش نرقد وما ولدي مسكين كل دقيقتين يقفز من بلاصته يكون راقد حتى يخلعوه ينوض يبكي وفليل ما يجوش يرقدو معايا ولا يعاونوني فطفل انا كنت ما نعرفش يطفو ضو ويبلعو لباب وانا نبات نايضة كل شوية شا نتخيل مكان يصبح علياا الحال نكون نقطر بلعرق وليت نشوف سوالح ونتخيل مزية لي كنت حافظة القرآن نبات نقراا ما كنتش نصلي بصح القرآن حافظاته مين كنت صغيرة 6 سنين كان عندنا جارنا راجل كبير يعيطلنا قااع. ويبدا يعلم فينا 
فطنت على يد عجوزتي فوق راسي.. نوضت دايخة ما فاهمة والو.. واش كاين ماني... مكان والو مالكي راكي تعرڨي هاك ... كنت راقدة والبيت حامية بزااف...على دي بغيتك ترقدي هنا بيتي دافية .. نوضي جبتلك شوية كبدة كوليهاا... خصني قهوة... مازلتي غير مع القهوة ملي عرفتك ونتي قهوة قهوة كولي هاذو سوالح ملااح ليك وما تنسيش راكي ترضعي دروك لاازم تاكلي وتشربي غير ماكلة زينة لصحة ولدك وباه تلقي روحك .. بغيت نوض.. وين نايضة.. ناكل فوق فراشك... كولي جات لا في فراشي ربي عطاني دعوة شړ في داك الولد اوموا نربح فيك نتي اجر