الجميع بين نارين

في بلاصته.. ماني الياس قااع ما سقساش علينا ولا على ولده... ما خبرتهش قاااع بلي رفدتي الكرش ولا ولدتي بغا يروح يعيش حياته اياا خليه ربي يسهل عليه كلاام لي سمعهلي ما ننساهش قااع وليت انا القبيحة ولواعرة كي خممت في مصلاحته... واش قالك ماني... خلي لي فلقلب فلقلب راني عارفة روحي بلي ما غلطتش كي خبيت عليه بلي ولدتي راكي حابة نخبرهتابع للحلقة 9
بعد شي لي داره... هزيتلها براسي بمعنى لا ما تخبريش... شوفو هياا صح فلولة كي راح والله جاتني عادي ما غاضتني ما والو بصح كي رفدت الكرش ونغبنت وحدي حسيت بزااف بنقص وكي نشوف خوته كي يعاملو نساهم تغيضني عمري حتى انا بغيت راجل معايا مع ليام ربيت الحقد من جيهته حقدت عليه وكرهته.. كليت حتى لي شبعت ولي ريحتني حالة عجوزتي راهي مليحة كون تقعدلي هاك غير حتى نوقف على رجليا مانيش منجمة قااع العياط ومشاكل سيرتو كي يجيها حالها علينا تولي غير ټضرب بيا ببنتها ومرات جميلة بصح كي مايكونش هنا محمد وتالمو تخافها ماتخبرهش بلي تضربها قاټلي مرة خبرته طاح عليها قلت صاي ماتعاودش كي شافته رقد بلعاني عيطتلي وقاټلي رواحي ديريلنا حاجة نتقهوو بيها قد ماشافتني نزلت ودخلت للكوزينة بلعت علياا وطاحت فياا من تماك حلفت مانزيدش نخبره ضحكتني كي قالتهالي.
شوية وجابتلي ولدي ورتلي كي نرفده و كي نرضعه ربي يرزق كل وحدة محرومة من لولااد في أقرب وقت 
دخلو عندي لبنات قعدو معايا نطقت جميلة...عندك زهر كبير على بالك العجوز ماتخليناش حتى نسيقو بيتها واصلن على بالك ونتي شوفي كي قعداتك فيها وكليتي فيها يا هذا زهر يا مكانش.. سكتي انا اصلن راهي خالعتني وعلى مزال تخرجها مني.. ضحكنا وقعدنا مقصرين جات عجوزتي حاوزتهم خرجو وانا رجعت رقدت ولدي غير هما قايمين بيه انا علياا غير نرضع وصاي عجوزتي هي تبدله وتڨمطه ديرله كل شيء رااحة كبيرة راني فيها هنا عكس دارنا 
وما داك نفاس لي دارتهلي مكانش لي ما هدرش عليه ومكانش لي ما دعالهاش دعوة الخير دارت نفاس. و صدقة على 62 مسكين فنفاس تاعي كانت مفرشتلي فصالة كبيرة وتقولي العين وستري روحك وحرزي تجبدي صدرك ولا ترضعي قدامهم عندها ما وصتني وقاټلي لعبيها غير أييي أييي... دارت بلاصة حدايا لي تهدر تقولها قولي الله يبارك سيرتو ولدي زاد بصحته الله يبارك كلااوه قعد غير يتثاوب ويعاود ختى خرجاته داته رقداته في بيتها ودارتله القرآن وخلااته بداو في ديك تاع كاش مابان على راجلك وقااع نا عيطش ولا شاف ولده. وغادي تقعدي هاك ماديريش حل لعمرك ومزالك صغيرة وتعاودي حياتك هاذي قالوها كي ماتكونش معايا عجوزتي ونكون وحدي كي دخلت وسمعتهم قاتلهم جيتو تبوركو واش دخلكم فسوالح دار في تاع واش دخلكم ناض العياط علاه حنا مشي من دار ووووو لي شورت شورت ولي سكتت سكتت كنت باغية ندخل لتولاات نوضت وروحت كي جيت مولية شفت سوتياني قاع طايح وصدري طايح معاه قلت ندخل للبيت هنا بلخف نطلعه دخلت لقيت خت عجوزتي و زوج ولاادها كبار معاهم ياسمين كانت تحطلهم فلبركوكس ... يااا سمحوليي.. واحد حط راسه بصح زاوج قعد رافده ويشوف فياا خرجت لحقتني دي خت عجوزتي... فرح شفت فيها.. ما خصك والو بنتي علاه نوضتي من بلاصتك... كنت فدوش نغسل وبغيت نسقم تاعي ماحسبتكمش راكم تماك سمحولي...