الجميع بين نارين

نورمال بنتي دوك لاا ولاادي صحاب دار مشي براوية... رواحي هنا بلخف نسقملك .. فت معاها للبيت زاوجة سڨماتهلي وقاټلي لمي شعرك وخرمجيه ماتدخليش بزينتك عندهم.. لماتهلي ورجعت قعدت مع دوك نسااا حتى لي خوات لبيت جاتني لعجوز قاټلي ايا لبيتي 
حاولوها لبنات قالولها خليها فصالة معانا راني مڨصرين مشكل مشي هنا مشكل ولت ترقدني معاها فقيس واحد لا رقدت 8 تعيطلي 8 تقولي ايا نرقدو وتبلع الباب قط ما يدخلش تشعلي تيلي وتقولي تفرجي وليت نكره قاتلهم لا سي لا ترقد عندي داك لي صراا روحت معاها كي شافتني كنت حابة نرقد معاهم قاټلي خليلي طفل هنا وروحي نتي ريحي معاهم دي ليلة بدلي شوية وغير اليوم فرحت روحت نجري قوتلهم خلتني فرشنا فصالة جبناها لصباح لي صرا فنفاس قااع عاودناه فلانة شا دارت وفلاانة شا عطاتني ووووو حتى رقدنا 
وهاكا فاتو ليام حتى لي ريحت ورجعنا كي قبل كيما كنا وعجوزتي عاود جاها حالها داري الفوق نسيتها قاااع ما رجعتش نرقد فيها قااع غير نسيقها برك ونبلعها وراني تحت معاهم ولدي حكم 5شهر خفيف خفيف خفيف بزااف اليوم كان عندنا عرس عجوزتي قاتلنا اليوم تروحو قاع موالفة تدي وحدة فينا بصح اليوم داتنا في 3 وحدة تقول لختها انا شابة عليك كان عندنا عرس فدار زوج نسا دابزونا في زوج بغاو يخطبو ياسمين ديك تقولها انا شفتها وديك تقولها انا دارت عندنا عجوزتي... مهابيل هاذو نمد بنتي للعروبية... نطقت قوتلها.. علاه ماني تعرفيهم.. واه شكون ما يعرفهمش خيمة وسكتت كي جات وحدة فيهم تهدر مع عجوزتي لولة مع تالية قالتلها لا مخطوبة ديك مشي تروح لا قاتلها هااا بنية ولدي خدام وبداره وبلوطوته ماخصه والو... راااني نقولك ني مادتها ما تفهميش نتي... ومالكي تاكلي فروحك هااا عطيهالي عجبتني معمرة وسمينة... ختي راني نقولك ما نمدش ما تفهميش نتي هااا حشمي على روحك كيفاه انا نقولك مخطوبة ونتي لصقتي بسيف... الله لا بكمللها مع لي راهي معاه وراحت عجوزتي ما ردتش عليها قااع قعدت غير تقراا علينا مزية ما جبتش ولدي محمد قالنا خلوهلي يرقد عندي درنا راينا في داك العرس غير حدا دار كي كملنا لبسنا وجينا نمشو كانت 3 تاع صباح خرجنا حناا نسااا تقولي جااايين من الحج تلااقينا بمحمد شاف فينااا... مااا تحشموش داخلين 3 صباح راني ساااكن مع رجاااال انا لي راجل فدار ونتوما برااااا داخليني نورمال... نطقت عجوزتي.. انا خفته كان يبان سيريو في وجهه.. روح ولدي ترقد روح راه ليل ما نسيتكش جبتلك حقك تاع لقاطو... خزر في مرته قالتنا تصبحو بخير. وراحت تجري وحنا فتنا قلعنا وطحنا رقدنا بغيت نقوله عطيني ولدي وخفته كاش ما يقولي وهو نايض من رقاد دخلت رقدت مع عجوزتي تقولو ني متزوجة معاها هي سوالح قااع لي فلحق نلبسهم لراجلي لبستهملها ليها هيااا اصلن حفظتني بلي نبغي نعري على دي ما تبغينيش نرقد فصالة ولا وداري قاټلي ما تقعديش فيها وحدك وحتى انا ما قلتش لاا كي كسلت يدي بغيت نرقد شفتها زرڨاا قاع دايرتلي دويرة تعقلو نهار قوتلكم ماما جبدتني من ذراعي وزيرت وبدات تقرص اقسم بالله لا قعدتلي دويرة زرڨا في ذراعي كيما درت معاها باه تروح واالو تقولو دروك قرصتني وين ما نشوفها نتفكر داك نهار ونزيد نحقد كثر على دارنا ماعلينا طلقت روحي ورقدت كي
العادة 8نوضتني موالف 7 ومشكل نوضو مانديرو والو مهيم نقابلوها وصاي توحشت دوك ليام معاها والله 
9ونص ططب الباب فتحت لقيتها مرت الكبير عبد القادر خلعتني وجها ما تشوفيش فيه قايسة داك خيمار فوقها شعرها نصه براا وتبكي ډمرت علياا الباب ودخلت ټعيط لعجوزتي.. خرجت كي شافتها قاتلها ثااااني عاود ضړبك.... شوفي كي دارلي دي لمرة نشكي بيه صاااااي مانجمتش عاود رجع لديك كلبة قريت كل شي وهو لي يعيطلها شوفي كي دارلي دخل موراها جاي باغي يزيد يضربها حكماته عجوزتي وياسمين غير وحده دار على ياسمين ضربها وهي ما دارتله وااالو مسكينة غير بغات تسلك ناضت لعجوز ټعيط.. جميلة جميييلة جريييي نوضي محمددد جرررييي بغااا ېقتلي بنتيييي جري عيطو لاابوليس.. جا محمد من صوت العياط دمره وبعده على خته زاد بغا يلصق مع محمد غير مين جا محمد رافد روحه وبصحته الله يبارك ما نجملهش خرج وخرجه معاه وداك كان مدابز مع مرته حتى بدا يتحلف فيناا قاااع مافهمنا وااالو.......