الحلقه السابعه ديفشا
طول وبلاش الأسلوب ده مبحبوش
شهد بضيق عايزني أقول ايه انت عارف كويس قوي انا ايه اللي مضايقني لانك لو مش عارف مكنتش هتجيبني هنا
امير باصرار لا مش عارف بس مش محتاجة فكاكة يعني خلقتك المقلوبة بتتكلم نيابه عنك
شهد بزهق ما تروحني يا امير ينوبك ثواب
امير بتريقة مش عايز الثواب .. في ايه ما تنجزي بقي انا مش هنجم ولا هفضل أتكلم كتير ولا بحب الرغي الكتير أصلا
امير بحيرة المفروض نشتري الشبكه
شهد تمام المفروض نشتري شبكتنا .. شبكتي انا بس سيادتك كنت بتشتري لصاحبتك هديه لامها وليها هيا ده تسميه ايه
امير اتنهد كنت متخيل ان دماغك اكبر من كده بس طلعتي عاديه
شهد شهقت بعدم تصديق عادية انا لو عادية كنت اتصرفت مع صحبتك تصرف تاني وانت كنت عملت معاك كتير قوي .. بس انا مش عادية
شهد بضيق انا ما بعارضهاش بس انت
امير بصلها انا ايه قولتلك وهقولك لاخر مرة علا ما تعنيش أي شيء ليا وهيا عارفة ده كويس جدا
شهد بصتله وواجهته وعنيهم اتقابلت كانت بتعمل ايه في المحل النهارده
امير وضح انا سألتهم النهارده ايه احسن مكان اشتري منه وهما اقترحوا المكان ده .. يعني كلهم عارفين اننا هنكون موجودين .. هيا بقي جت ليه فماعرفش يمكن فعلا عايزة تشتري هديه لمامتها
امير ابتسم واعتقد انها نجحت ولا ايه علي الرغم من انها عارفه كويس قوي انها ولا حاجه بالنسبالي بس بسهوله جدا عرفت تستفزك .. هسألك تاني انتي هتتجوزيني ليه انا مش هتغير يا شهد ومش هغير حياتي علشانك .. اللي علا عملته ده ولاشيء من حياتي .. انا بخرج وبسهر وبشرب وبرقص مع بنات ومقضيها بالطول والعرض وده مش هيتغير فلو شويه لعب العيال اللي علا عملتهم في المحل ضايقوكي يبقي عيدي تفكيرك من تاني لان انا مش شايفها عملت أي شيء
في امل انه يتغير هو بس بيحاول يهددها مش اكتر لازم تستحمل
امير ابتسم هقولك انك اكبر من كده
شهد هزت دماغها برفض انا ست هنا مش عاقلة ومش بفهم ومش أي حاجة انا مجرد واحدة ومتضايقه ان خطيبها اهملها واهتم بغيرها بعض النظر غيرها دي مين هتعمل ايه
امير بصلها يعني انتي زعلانة دلوقتي
امير فكر شوية طيب ايه اللي يرضيكي
شهد كشرت جدا معرفش .. انت اتصرف دي مشكلتك مش مشكلتي
امير فكر وبحيرة اتصرف .. طيب تعالي
شدها من ايدها وركبها العربية وفضلت ساكته لحد ما وقف وبصت حواليها لقت نفسها قدام المحل من تاني
امير ابتسم وقرب منها تعالي ننزل انا وانتي وبس ومش هخلي حد
