الحلقه التاسعه ديفشا
مهمة .. اللي بيحبك صح هيخاف عليكي .. انا نصحتك لوجه الله حافظي على نفسك واهتمي بيها ...
مشيت من عنده بدون ما تنطق متلخبطة اكتر موجوعة اكتر ليه عمر ما حد قالها الكلام ده قبل كده ! محدش قبل كده قالها حرام وحلال ! امها ما تعرفش اصلا ربنا وابوها سابها من زمان وسافر ونادرا ما بيرجع ! وفجأة تخيلت شهد وابوها وامها واخوها حواليها .. ملكة بأهلها .. وحست قد ايه هيا فقيرة جدا قصاد واحدة زي شهد ..
عالية اخته ومعاها بنت عمها فاطمة او بطه زي ما بيسموها قاعدين
بطه بحرج الا قوليلي هو عمرو فين بقاله فتره مش ظاهر
عاليه هزرت حبيب القلب .
ضړبتها اخرسي ابن عمي وبسأل عليه بلاش الافكار الدنيئة بتاعتك دي عادي يعني .
عاليه ضحكت على بنت عمها بهزر يا بت .. المهم تلاقيه مع شلته الحمضانة ما بيفارقهمش ابدا .
عاليه مصمصت شفايفها بزعل وحزن على حال اخوها يااختي ولا في دماغه .. كل اللي في دماغه يقع على كنز مثلا ويبقى مليونير زي شلته الفاشلة .
بطه فكرت شوية طيب ما يشتغل وهو هيبقى .. هو ليه عامل في نفسه كده ..
عاليه ده بابا ريقه نشف معاه حتى جابلو شغل في الشركة عنده بس عمرو رفضه وكانت خناقة كبيرة يومها .
بطه ابتسمت وبقت مش على بعضها وعالية لاحظت فنادت على اخوها
عمرو سمعها وفتح باب اوضتها عايزة ايه يا زفته .. بطوط ازيك يا قمر اخبارك وعاش من شافك .
بطه بكسوف انت اللي مختفي يا ابن عمي محدش بيشوفك ومش عارفة ليه الدنيا وخداك كده
بطه بعتاب انا عارفالك بقى .. المهم اشتغلت ولا
عمرو كشړ وهرب من سؤالها اللي مش على مزاجه اصلا اسيبكم انا بقى .
بطه بسرعة استنى .
وقف وبصلها باستغراب ايه خير !
معرفتش تقوله ايه او توقفه بإيه تقوله استنى ملحقتش اشبع منك !
بطه بتفكر بسرعة انا اتعينت في مدرسة اللغات اللي في الشارع الرئيسي بره
عمرو ابتسم طيب برافو عليكي كويس .. مبروك يا قمر .
سابهم وخرج وهيا قعدت محبطة
عاليه صعب عليها فحاولت تطمنها معلش بكرة يتصلح حاله .
بطه بحزن امين المهم انا هروح بقى .. عمك قالي مااتأخرش سلام .
اخر النهار امير خرج وراح لاصحابه اللي متجمعين وشهد قعدت مكانها ټعيط وبصت لدبلتها اللي لمعت في ايدها وافتكرت انه كتب عليها فقلعتها تقرأ مكتوب عليها ايه
دي كانت جملته ليها بس يا ترى ده كاتبو ليه علشان تمثيليته ولا كانت لحظة صدق ايوه هيا مجربتش الحب قبل كده بس مش معقولة يكون احساسها وهيا في كان تمثيل او وهم هيا حست بيه وبمشاعره وبنبض قلبه .. حست ان الإحساس ده كان حقيقي مش مجرد تمثيل ابدا .. اكيد هيا هتعرف تفرق بين الرغبة والحب ! ولا هو اللي محترف قوي ومعرفتش تكشف تمثيله !! معدتش فاهمة ولا عارفة أي شيء ...
امير مع أصحابه
طارق بتريقة ايه اللي جابك يا عريس
امير بصله بقرف وضيق والنبي نقطني بسكاتك .. هات يا ابني كاس .
علا بصتله بلهفة عملت ايه مبسوط معاها
امير بضيق مش طلباكي يا علا حلي عن نفوخي .
بيمد ايده ياخد كاس لمح دبلتها في ايده ولمح الكلام اللي مكتوب عليها من فوق واستغرب ليه ما شافوش مع ان الكتابة من بره كان متخيل انها نقشة على الدبلة مش كتابة
Ill Love you as long as live
فضل يفكر كتير في الجملة دي بقى معقولة هيا بتحبه !! ولا مجرد جملة مكتوبة والسلام !!
بس هيا قالتها صريحة لاخوها مش ده اللي هيا تحبه ابدا !!
محتار والحيرة هتقتله وكلامها بيوجعه لسه .. مخڼوق من كل اللي حواليه حتى شلته مخڼوق منهم ..
شرب معاهم
