الحلقه الرابعه عشر ديفشا

.. الحب ضعف وۏجع وبس ..
عدلي فضل الليل كله هيتجنن من امير.. كان واثق انه بيحبها ازاي يطلقها ليه عمل كده ليه أتخلى عنها ليه عمل كده في الحفلة الف ليه ملهاش أجابه !! هو ما بيفهمش ابنه ابدا ..
النهار طلع واول حاجة راح لصديق عمره ..
واول ما فتحله عدلي اتكلم بقى كده يا محسن ما تردش عليا. . العيال يفرقونا عن بعض العيال يبعدونا ده احنا عشرة عمر وسنين طويلة قوي .
محسن بۏجع محدش ابدا ممكن يفرقنا بس كنت مضايق وقلت بلاها لحد ما نهدى شوية ادخل ياصاحبي ادخل .
عدلي دخل وقعدوا فين شهد وازاي تسمح باللي حصل ده ازاي تتفرج عليهم ازاي ما منعتش امير المچنون ده يطلقها 
هنا شهد دخلت يمنعه !! اذا كان هو اللي اجبره يطلقني عايزو يمنعه !
عدلي شوية مش فاهم وبينقل نظراته ما بينهم هما الاتنين وبحيرة سألهم يعني ايه مش فاهم . امير ما طلقكيش بمزاجه 
محسن اتكلم بهدوء انا كلمته الصبح وطلبت منه يجي وقلتله يطلق بنتي .
عدلي پصدمة ازاي وامير سمع كلامك ونفذ من امتى امير بيسمع كلام حد 
شهد بعياط وبلوم لأبوها لانه بابا ما قالوش بالهدوء ده .. بابا هزقه وغلط فيه وطلب منه رد الجميل لما فتح باب بيته ليه وهو عيل .
محسن زعق سكتها بس اسكتي .
شهد باڼهيار اسكت ليه مش ده اللي حصل مش قلتله لما رفض انك هتقف قدام صاحبك في المحاكم .. مش هددته وقلتله انه هيهد عشرة سنين بينكم .
محسن بۏجع مش قادر يسمع اكتر من بنته لاخر مرة هقولك بس يا شهد .
سكتوا كلهم شوية وعدلي بيراجع في دماغه اللي حصل بالليل واڼهيار ابنه اللي ماشافوش وهجومه على امير بالليل وضربه وطرده له من بيته .. كل مرة بيجي عليه قوي
محسن بص لعدلي هو امير مقالكش ولا ايه 
عدلي بۏجع مقالش غير كلمة واحدة وصراحة معطيتوش فرصة يكمل بمجرد ما قالي انه طلق انا ..
عدلي سكت لانه عرف بشاعة اللي عمله .. ديما بيغلط فيه وما بيدلوش فرصة ابدا
شهد پخوف حضرتك ايه وامير فين 
عدلي باستيعاب لبشاعة اللي عمله في ابنه بص لشهد بۏجع انا مديت ايدي عليه .. انا اول مرة امد ايدي عليه .. انا ضړبته .
شهد دموعها نزلت ومحسن بص للارض لانه اكتر حد عارف ان امير مظلوم جدا مع عدلي ومش دي اول مرة يجي عليه كده ..
شهد بعياط هو فين 
عدلي بصلها بتوهان معرفش .. طردته .
الاتنين بصوله وشهد مكنتش عارفة تتكلم او تنطق من الۏجع اللي جواها .. امير حبيبها موجوع في مكان وهيا مش هتقدر للاسف توصله او حتى تضمه
محسن مقدرش يسكت ووقف ليه بتتسرع ديما معاه ليه كده ده ابنك هتفضل لحد امتى اسهل حل انك تبعده ! امير كل اللي هو فيه بسببك يا عدلي . انت ما بتقومش بدورك كأب ابدا معاه .
عدلي بص لمحسن انا حطيته بين ايديك يا محسن مرة وهو عيل ودلوقتي وهو شاب .
محسن زعق ده دورك انت ما ينفعش حد غيرك يقوم بيه .. انا اه بحبه بس مش اكتر من عيالي ولو هختار ما بينه وبين بنتي هختار بنتي .. انت كأب كان لازم تختار ابنك .. فين حبك وحنيتك كأب .. ابنك في مشكلة وبدال ما تقف جنبه تطرده لا وتمد ايدك عليه .. شاب طول بعرض اطول منك تعامله ولا كأنه عيل ده حتى العيال دلوقتي مش بتتضرب ..
عدلي وقف باڼهيار واحساس بالمرار ماليه ومالي حياته وبص لصاحبه بلوم انت عايز مني ايه ! انت مش خدت بنتك مش خلصت منه خلاص بقى .
محسن مازال واثق انه هو اللي غلطان في الاول وكل اللي بيحصل ده نتيجة غلطه انا عارف من الاول ان الجوازة دي غلط وقلتلك بلاش لكن انت اصريت وادي النتيجة ابنك ضايع وضيع بنتي معاه وربنا يستر كمان على ابني .
عدلي بۏجع عندك حق الجوازة دي كانت غلط بعد اذنكم .
وهو ماشي شهد جريت وراه ومسكت ايده عمي ارجوك طمني